Loluwari Média (Díli) – Ministru Defeza (MD), Kontra Almirante, Donaciano Costa Gomes “Pedro Klamar Fuik” lansa ofisialmente ba publiku planu mestre ba konstrusaun Baze militar inklui rezidensia militar sira nian ne’ebé tu’ir planu sei hahu iha 2025.
Ministru defesa (MD), akompaña husi Xefe Estadu Maiór Jenerál Forsa Defeza Timor-Leste (F-FDTL), Tenente Jenerál, Domingos Raul “Falur Rate Laek” no Vise Xefe Estadu Maiór Jeneral Forsa Defeza Timor-Leste, Major Jeneral, Calisto dos Santos Coliati, nomos Xefe Estadu Maior F-(FDTL), Brigadeiru Generál Jose da Costa “Trix” ho ofisial superior Militár sira no funsionariu kargu xefia Ministeriu Defeza inklui tekniku Ministeriu Obras Publika halo lansamentu ofisial ba publiku planu Mestre konstrusaun Baze Militár no rezidensia ba militar sira, ne’ebé tuir planu sei hahu konstrusaun iha tinan 2025.
“Ohin ita mos halo expozisaun ba publiku planu mestre ba konstrusaun baze Militár no rezidensia ba militar sira ne’ebé apartir tinan ne’e.” Dehan Ministru Defeza (MD), Kontra Almirante, Donaciano Costa Gomes “Pedro Klamar Fuik” iha serimonia entrega ekipamentu ba Komandu F-FDTL iha Kuatel Jeneral F-FDTL Fatuhada, sexta (24/01).
Ezekutivu ne’e subliña, planu mestre ne’e importante ba infra-estrutura Militár, nune’e iha futuru bele hatene prioridade Ministeriu Defeza, ba dezenvolvimentu forsa.
“Ita bazea ba planu mestre ne’e katak tinan ne’e sei estabelese baze Militár ne’ebé kompostu husi kuartel ba militar no rezidensia ba militar sira, ne’ebé ho nia familia sira bele hela. No baze ne’e kategoria nivel de kompania movel ne’ebe konstitui batallaun brigade ho nian postu tatiku.”
Tu’ir master plan ne’e baze militar ne’e sei konstrui uma ba Militár sira hamutuk 120 militar hotu sei hela ho nia familia iha baze militar.
“Ita bazea ba planu Ministeriu Defeza nian sei kostrui baze Militár tu’ir definisaun dispozitivu forsa nian sei konstrui baze Militár ho batallaun ida iha Norte batallun ida iha Sul no batllaun espesial ida.”
“Ita sei konstrui baze militar ho batallaun ida iha zona norte, ita sei halo iha zona sul. Ita sei tau forsa fuzileiru sira iha Leste Lospalos, Baucau no Viqueque inklui ida iha Hera depois abranze to’o Atauro no Oecusse, projetu infra-estrutura Militár ne’e sei realiza iha tinan 2025.”
Jornalista : Chay Risky