Loluwari Média (Díli) – Komandante Jerál Polísia Nasionál Timor-Leste (PNTL), Komisariu Jerál, Henrique da Costa, informa ró Patrullamentu 2 ne’ebé kompaña halo manutensaun ho orsamentu 2024 maibé kompaña haree ladiak nune’e kompaña deside hola Ró Patrullamentu 2 ba UPM atu utliza halo Patrullamentu Maritima.
“Ró Patrullamentu 2 ne’e ita bele utiliza ba iha Postu UPM Beacou no ida seluk ba Postu UPM Merguiler Beaçu atu bele halo Patrullamentu.” Dehan Komandante Jerál Polísia Nasionál Timor-Leste (PNTL), Komisariu Jerál, Henrique da Costa, ba jornalista sira iha kuartel UPM Largo Lecidere, Dili, Sexta (07/02).
Komisáriu Jerál, hatete, fasilidade sira ne’e membru sira bele utiliza halo vizilansia makaas atu prevene krime organizadu sira.
“Ita espera katak ho ró Patrullamentu 2 ne’e bele ajuda membru UPM sira atu utliza hodi kontrola ba sasan kontra bandu nomos atu kombate human Traffic.”
Komandante Unidade Patrullamentu Maritima (UPM), Superintendente Polísia, Eugenio Pereira, hatete, husi kompañia ne’ebé hetan fiar tanba konsege realiza nia servisu, ohin entrega ró rua ne’e ba PNTL liuhusi Unidade Polísia Maritima (UPM).
“Ró Patrullamentu 2 ne’e ami sei koloka ba Postu UPM Merguiler no Beacou atu bele halo vizilansia ba no kontrola ba iha fronteira Maritima iha parte Norte nian.”
“Ita atu kombate peska illegal sira la’e maibé oinsa ita atu prevene krime sira ne’ebé akontese mai ita nia rai liliu iha zona Maritima nian.”
Jornalista : Chay Risky