Loluwari Média (Díli) – Xefe Departementu Tranzitu Seguransa Rodaviaria Nasional (DTSRN), Superintendente Asistente Polisia, Luis da Costa, hatete, PNTL liuhusi departementu Tranzitu Seguransa Rodaviaria Nasionál halo pasarevista (Swiping) ba transporte privadu ne’ebé laiha karta kondusaun no laiha dokumentus inklui dokumentus mate, hodi regulariza nafatin ba sidadaun utiliza transporte tu’ir kodigu estrada.
“Motorizada atus ida resin mak ohin ita prende laiha dokumentus no balu laiha karta kondusaun balu dokumentus mate no balu karta kondusaun mate maibé ida ne’e mak servisu tranzitu seguransa rodaviaria nian lor-loron apoiu komandu PNTL munisipiu Dili atu bele normaliza no bele kontrola ita nia sidadaun sira ne’ebé sirkula lori transporte publiku nomos transporte privadu.”
“Pasa revista ne’ebé mak husi Polísia Tranzitu seguransa rodaviaria hala’o ne’e atividades normal ita hala’o diariamente hahu husi diresaun tranzitu seguransa rodaviaria nian no mos komandu PNTL munisipiu Dili, ho objetivu atu regulariza ita nia sidadaun sira hotu atu sira bele utiliza transporte liliu motorizada sira ne’e tenke priense regra lei kodigu estrada nian.”
Lor-loron ita sempre halo pasa revista ba iha dokumentus no karta kondusaun nomos ba motor sira ne’ebé mak la priense rekezitus ne’e karik sira viola ita prende para sira lori ba selu iha banku.” Dehan Xefe Departementu Tranzitu Seguransa Rodaviaria Nasional (DTSRN) Superintendente Asistente Polisia, Luis da Costa ba jornalista sira iha Audian, Segunda (17/02).
Luis hatete, pasa revista ba transporte privadu de’it maibé la taka dalan ba transporte publiku no privadu hodi halo pasa revista ho razaun motorizada kuaze maioria halo movimentasaun nakonu iha Dili laran dala ruma dokumentus mate nomos laiha karta kondusaun.
“Ita halo ida ne’e normalmente, ita halo ba motorizada sira ne’e maibé la taka dalan mos ba iha transporte publiku no mos transporte privadu sira ne’e tanba ita nia atividades ida ne’e atividades semanal ita halo pasarevista ne’ebé fazeadamente ita halo ba iha motor dala ruma mos ita halo ba iha transporte publiku no mos ba transporte privadu sira.”
Tanba katak transporte ne’ebé mak sirkula iha territoriu ne’e kuaze maioria barak mak motorizada tanba ne’e dala ruma ita haree iha keixa iha lamentasõens ne’ebé mak ema publika iha media sosial bainhira motor balu lakon iha fatin-fatin entaun hodi ida ne’e mak ami nia konsentrasaun ba iha transporte liliu motorizada sira.”
Servisu diresaun tranzitu seguransa rodaviaria nasional apoiu komandu PNTL hodi halo pasa revista ba motorizada ne’ebé hamutuk 100 resin ne’ebé kuaze dokumentus mate no motorista laiha karta kondusaun.
Jornalista : Maureshy