Loluwari Média (Hera) – ekipa futeból Bairo da Paz FC derota hasoru nia adversariu Academia Hera FC, ho rezultadu 4-1 tanba baliza falla kontrola guarda rede iha Kopa Maun Boot Kay Rala Xanana Gusmão.
Jogu ne’ebé dirije husi arbitru Eufrazio da Costa, juiz liña, Francisco Araujo no Paulo da Costa no árbitru rezerva, Jorge Sarmento. Jogu primeira parte hahu ekipa rua lansa kedas kontra atake ba makaas atu lidera uluk jogu. Ne’ebé treinador sira orienta ona bazeia tatika atu atinji mehi ekipa.
Stratejia jogu ne’ebé ekipa rua hatudu anima tebes adeptus sira iha kampu ninin hodi asiste ho lian makaas apoiu ida-idak nia ekipa favoritu.
Ekipa Academia Hera FC, hala’o jogu tiki-taka ala Timor-Leste akompaña ho bola long no halo atake atu realiza uluk golu.
Enkuantu ekipa Bairo da Paz mós halo kontra atake no presaun makaas no bola long maske nune’e seidauk fo rezultadu pozitivu.
Iha minutu 26 ekipa Academia Hera hetan opurtunidade liuhusi nia jogadora ho numeru kamizola 17 Nilton Gaio, konsege oferese golu ida nune’e lori Academia Hera lidera jogu.
Enkuantu ekipa Bairro da Paz FC mos sempre lakon iha liña kampu klaran ne’ebé laiha balansu ho nia adversariu.
Maske derota ekipa Bairro da Paz FC, kontinua oferese jogu ne’ebé furak hodi anima sira nia adeptus.
Husi sorin seluk ekipa advesariu Academia Hera FC mós lakohi lakon, kontinua esforsu, hodi hetan opurtunidade atu haboot sira golu, iha minutu 29 jogadór Nilton Gaio ho numeru kamijola 17 aumenta tan golu ida hodi muda rezultadu ba 2-0 iha primeira parte.
Golu ne’ebé akontese halo ekipa adversariu aumenta tan sira nia ritmu jogu no halo presaun ekipa Bairo da Paz FC, tenta atu hamihis rezultadu maibé la konsege tanba ekipa adversariu Academia Hera FC, la fó opurtunidade. Treinadór halo mudansa jogu hetan fali jogu ho modelu foun nune’e bele prodúz golu maibé esforsu hirak ne’e hela deit ho esforsu.
Jogu segunda parte hahu ekipa rua kontinua lansa kontra atake halo ekipa Bairro da Paz FC halo esforsu oioin, maibé esforsu hirak ne’e la rezulta golu ruma.
Maske seidauk iha mudansa ekipa Bairro da Paz FC, maske nune’e iha minutu 52 ekipa Bairro da Paz konsege responde golu iga ne’ebé oferese husi jogador ho numeru kamizola 11 Rivaldo Pereira muda rezultadu ba 2-1.
Husi atake ne’ebé makaas iha minutu ikus Academia Hera FC fo halo atake makaas hasoru nia adversariu book an araska no iha minutu 77 jogadór Adani Loaldo hetan opurtunidade hodi muda rezultadu ba 3-1.
Rezultadu 3-1 ne’e halo ekipa Academia Hera fiar aan tebes no halo jogu ne’ebé furak. Halo ekipa adversariu Bairro da Paz FC nia la book an.
Iha minutu 84 jogadór Silvester ho numeru kamijola 24 ho aumenta golu ba nia hodi muda rezultadu ba 4-1, tempu adisional minutu 3 la akontese golu ruma, rezultadu ne’e mantein to’o jogu segunda parte termina.
Jornalista : Chay Risky