Loluwari Média (Díli) – Gabinete Ministeriu Juventude Desportu Arte no Kultura (G-MJDAK) hamutuk ho Gabinete Sekretáriu Estadu Arte Kultura (G-SEAK) realiza enkontru ho jornalista sira hodi promove joven sira nia Kreatividade liuhusi arte no kultural.
Xefe Gabinete Ministeriu Juventude Desportu Arte no Kultura (G-MJDAK), Egas Barros, informa servisu husi Gabinete Ministeriu Juventude Desportu Arte no Kultura (G-MJDAK) diariamente husi segunda to’o domingu tanba Ministeriu tekniku no la hanesan Ministeriu baibain nune’e atividade MJDAK servisu ho extra.
“Servisu diariamente ne’ebé akontese iha Gabinete Ministeriu nian ohin ita bo’ot sira hamutuk kuñese muito bem saida mak bele servisu Gabinete Ministru nian ne’e atu fasilita de’it Gabinete tomak no efetividade sira husi Ministru nian liliu diariamente servisu husi segunda to’o domingu tanba ne’e Ministeriu tekniku la’ós Ministeriu sira hanesan baibain tanba ne’e ami servisu extra loos dala wa’in ami servisu to’o segunda bele to’o iha domingu.” dehan xefe gabinete (MJDAK), Egas Barros, ba jornalista sira iha salaun MJDAK, Segunda (17/03)
Nia dehan, servisu husi Ministeriu Juventude Desportu Arte no Kultura (MJDAK) ne’ebé depende ba programa husi Ministeriu ne’e refere tanba Ministeriu Juventude Desportu Arte no Kultura (MJDAK) akumula servisu husi territóriu timor laran tomak.
“Depende servisu tanba programa ne’e diga ho Juventude Desportu entaun sira arte kultura Sefi Gabinete sei hatan se diak ho Juventude Desportu entaun servisu ida ne’e kuaze ami akumula la’o territóriu munisipiu depende konvite programa atividade sira nebé iha ami kualker tempu ami tun ka hamutuk ho joven sira hamutuk mós ho ita nia komunidade sira ne’ebé ke antusias sira hakarak interese servisu ha’u mós hare liu-liu diga ho Juventude nian.”
“Ministeriu Juventude Desportu Arte no Kultura (MJDAK) la taka dalan ba juventude feto no mane husi munisípiu, grupu, no instituisaun ne’ebé presiza apoiu husi MJDAK.
“Ministeriu ida ne’e mós la taka dalan ba sidadaun hotu liliu juventude sira feto no mane ne’ebé durante ita bo’ot sira akompaña iha Ministeriu ne’e sempre odamatan ema nakonu hela de’it feto mane husi instituisaun sira balu individu grupu sira husi munisípiu postu to’o suku sira mai buka atu husu tulun ba Ministeriu nia kbi’it orsamentu ne’ebé ami tau atu apoiu sira husi sira nia atividade sira ne’ebé planu iha munisípiu, postu no suku sira.” nia esplika.
Xefe Gabinete Sekretáriu Estadu Arte no Kultura (G-SEAK), Francisco Tae Mau, hatete, G-SEAK iha programa Kultura patrimoniu no funsiunamentu no dezenvolvimentu institusional.
“Gabinete sekretáriu estadu Arte no Kultura iha programa rua, ida kultura e patrimoniu no ida seluk Funsionamentu dezenvolvimentu institusional iha kultura patrimoniu kulturál iha sub-programa ida promove identidade kulturál no kreatividade arte promove mós partisipa iha feira atu identifika konteporanea iha nivel internasional, funsionamentu dezenvolvimentu institusional iha sub-programa, investe jestaun finanseiru administrasaun dezenvolve suku.” informa Gabinete SEAK
Gabinete SEAK durante ne’e hala’o nia papel tu’ir programa ne’ebé iha tinan kotuk promove ona arte no Kultura nune’e mós promove identidade kulturál liliu komunidade ne’ebé presiza SEAK nia apoiu.
“Iha tinan ida ba kotuk halo ona atividade lubuk ida ita promove mós arte no Kultura lubuk ida promove mós identidade kultura liliu fo ba kbi’it ba ita nia komunidade sira ne’ebé presiza tulun apoiu Gabinete Sekretáriu Estadu hari’i hikas sira nia uma lisan, konstrui sira nia bee matan lulik no mós prezerva hikas patrimoniu ne’ebé mak beiala sira husik hela durante ne’e.”
“Tinan ida ne’e ita hahú kontinua ida ne’e no ita fo ona apoiu balu ba iha grupu joven arte sira ne’ebé mak durante ne’e iha inisiativa rasik hakarak promove arte ne’e rasik ha’u fo ezemplu ida hanesan joven iha Ataúro sira prepara sira nia arte ukir ai, dala ruma ita promove hela no ita fo apoiu sira no sira halo hela atividade ne’e iha bemolu, uma lisan sira ita nafatin fo apoiu bainhira komunidade ne’e presiza.”
Enkontru kafé Dader ne’e partisipa husi plataforma digital no média online kompostu husi Agensia Tatoli.Ip, loluwari.tl, Média Mudansa, Média Labeh, Sapnews, SMnews, Neon Metin, Media Demokrátika, jornál kompostu husi Indepente, Timor Post, Dili Post, televizaun mak RTTL.EP no TVET.
Jornalista : Anis