Loluwari Média (Díli) – Primeiru Ministru (PM), Kay Rala Xanana Gusmão, hatete, gasta osan povu nian arbiru no naok osan Estadu Arbiru mak Empreza Publiku (EP) no Institutu Publiku (IP).
“Ami hakarak muda IP no EP tanba ne’e horseik ami aprova dekretu lei ida, ohin ha’u informa ona ba Prezidente Repúblika (PR) atu nune’e Prezidente Repúblika Presiza promulga, durante fulan tolu no ami sei prepara estatutu foun ba IP no EP ida-idak tanba konsellera kria IP no EP dehan sira Autonómia Administrativa finanseiru tanba ne’e ema ida labele bo’ok.” Dehan Primeiru Ministru (PM), Kay Rala Xanana Gusmão, ba jornalista sira iha Palasiu Prezidensial, Nicolau Lobato, Bairro-Pité, Dili, hafoin hala’o enkontru semanal ho xefe estadu iha kinta ne’e (20/03).
Xefe Governu hatete, Institutu Publiku no Emoreza Publiku durante ne’e estraga povu nia osan de’it nunka fo benefisiu ba estadu tanba ne’e diak liu taka IP no EP de’it.
“Ita Timor, ita uitoan ne’ebé ita kuñese malu, ohin mosu naran ida aban mosu naran seluk maibé ita kuñese malu hela tanba ita haree empreza Publiku (EP) ida mai ho nia kor oi-oin maibé governu ne’ebé sira tutela katak sira pertense ba autonómia administrativa finanseiru ema labele bo’ok tanba ne’e sira avontade gasta osan povu nian milaun de’it, membru governu labele hase tanba sira gasta osan bazeia ba lei.”
“Lei foun agora sei aruma IP no EP atu nune’e povu nia osan labele estraga tanba ne’e sexta liu ba Konsellu Ministru (KM) halo auditoria ba lideransa IP no EP sira maibé sira nia lideransa la mosu.”
“Ha’u husu ba ita hotu lalika tauk atu halo auditoria interna ne’e atu fo atensaun bainhira la rona dehan mai ha’u para ha’u hasai tiha sira. Tanba EP no IP aat liu mak ADN, CNA, MPM, EDTL no BTL ne’e duni ha’u hasai lei ida bainhira PR promulga mak ita sei hasai IP no EP. Tanba sira hari’i ho Partidaria no sira hasai Funsinariu Publiku sira ne’ebé iha esperiénsia. Agora mesak partidu nia ema ne’ebé la halo buat ida.”
“Durante sira nia ezistensia gasta osan ba ne’ebé tanba ne’e importante ha’u kontente tanba ami aprova ona lei foun atu book daudaun ona IP no EP atu nune’e segundu trimestre 2025 ne’e atu garantia osan povu nian ne’e tenke gasta ho diak.”
Jornalista : Chay Risky