Loluwari Média (Díli) – Komisaun Organizadora Aloka Osan ho montante $ 200.000.00 (200 Mill dollar amerikanu) ba média sira hodi Jere ba eventu jogu Comunidade Países da língua portuguesa (CPLP) iha Timor-Leste.
Koordenador Jerál Jogu CPLP, Sekretáriu Estadu Arte Kultura (SEAK), Jorge Soares Cristovão, informa, realiza enkontru ho Prezidente Radio Televizaun Timor-Leste, Empreza públiku (RTTL.Ep), hodi halo preparasaun ba jogu CPLP no foti média ida sai host ba média públiku online no jornál sira.
“Ohin enkontru ho Prezidente RTTL ho estrutura sira atu halo preparasaun ba ita nia jogu CPLP. Ita hatene katak ita presiza média ida mak sei sai host ba ita nia preparasaun jogus ida ne’e orsida iha média Center ne’ebé mak husi host ne’e sei servisu hamutuk ho media sira hotu atu fornese infomasoes jogu CPLP ba públiku tantu iha Timor laran ba mós estranjeiru.” dehan Koodernador Jerál ba jogu CPLP Jorge Soares Cristovão, ba jornalista sira iha Sekretariadu jogu CPLP CCD, Kinta (20/03).
Alende ne’e Radio Televizaun Timor-Leste Empreza públiku (RTTL.Ep) iha kooperasaun lubuk ida ho parte Indonésia, Singapura no Japaun ne’ebé hahu halo akordu hodi halo servisu ida ne’e no parte komisaun Organizadora sei halo karta ida hodi foti Radio Televizaun Timor-Leste Empreza públiku (RTTL.Ep) sai host ba Jogu CPLP ne’e.
“Ita hatene RTTL iha kooperasaun lubuk ida husi parte Indonésia iha kooperasaun ho parte Singapura Japaun sira hahu halo akordu atu halo servisu ida ne’e tanba ida ne’e mak ita presiza diskuti, parte komisaun Organizadora tempu badak ita sei hare pedidu ka karta ida atu fo sai atu indika RTTL nu’udar broakesting ka host ba ita nia atividade jogu CPLP ida ne’e tanba ne’e mak orsdia média hotu servisu hamutuk ho RTTL atu kanalizasaun informasoens jogu CPLP sei la’o dalan ida de’it ida ne’e ohin ita diskute atu haree ba preparasaun ida ne’e.” nia informa.
Entretantu ba jogu CPLP ida ne’e aloka orsamentu ho montante 200 mil, montante orsamentu ne’ebé aloka ba média sira hodi halo publikasaun no publisidade iha ida-idak nia instituisaun média.
“Orsamentu ne’ebé ita prepara ba média komunikasaun publisidade hotu durante ba preparasaun jogu CPLP, ita tau orsamentu iha ne’ebá por volta $ 200.000.00 (Dozentus mil) ne’e la’ós ba média públiku sira, liuhusi live buat sira ne’e hotu mais publisidade sira ne’ebé mak orsida ita sei tau hanesan ita hatene bilbox, ita nia umbul umbul sira ita tau bilbox sira ne’ebé iha foto ida ne’e ita kobre ona kustu sira ne’e hotu.” nia esplika.
Prezidnete Radio Televizaun Timor-Leste, Empreza públiku (RTTL.Ep) Elizeu Isaac Fernandes, hatete, enkontru ne’e diskute kona-ba parte média nian atu halo broakesting no transmisaun direita ba eventu jogu CPLP tinan ne’e.
“Ohin ami ko’alia uitoan sobre preparasaun liliu ba parte média nian, ohin ko’alia mos kona-ba atu deside host broakes ba eventu CPLP ida ne’e depois ko’alia mos kona-ba atu hala’o transmisaun direita atu bele desimima informasaun ba territóriu Timor laran tomak no mós ba nasaun vizinu sira liliu nasaun sira iha CPLP no mós ASEAN.”
Alende iha enkontru ne’e mós diskute kona-ba média privadu sira atu hetan nia out put husi jogu CPLP ne’e hodi halo publikasaun.
“Ohin ami ko’alia barak mós kona-ba média privadu sira iha Timor-Leste atu bele hetan ninia konteudu ka ninia out put atu bainhira jogu ne’e lao bele mos halo nutisia iha sira ninia média rasik atu bele média sira ne’ebé fo live estreaming bele mós hetan out put ba ida ne’e.” nia haktuir.
Jornalista : Anis