Loluwari Média (Díli) – Komandante Munisípiu Díli (KMD), Superintendente Xefe Polísia, Orlando Gomes, hatete, kazu sidadaun ida husi inglatera ne’ebé mak mate iha apartamentu area kampu alor nian, iha loron 01 Abril, dadauk ne’e ninia prosesu sira iha hela ekipa Forensik nia liman, no seidauk hatene lolos kauza husi kazu refere.
“Kazu ne’e akontese horseik iha ninia kolega ida, telefone nia la foti, tanba ne’e mak horseik iha tuku 11 ninia kolega ne’e ba iha apartmentu hodi buka tu’ir, maibé ba odamatan xave. Depois uma na’in fo xave ninia kolega ne’e loke odamatan nia kolega haree mate isin latan hela iha sementi leten.” Dehan Komandante Munisípiu Díli (KMD), Superintendente Xefe Polísia, Orlando Gomes, ba jornalista sira, iha Komandu Munisípiu Díli, Kuarta (02/04).
Gomes hatete, Bainhira vitima nia kolega hetan mate isin iha kuartu laran nia deside kontaktu Polísia Nasionál Timór-Leste (PNTL) Esquarda Dom Aleixo hamutuk ho Forensik tun kedas ba fatin akontesimentu.
“Nune’e, horseik ami deside evakua kedas mate isin sidadaun Inglatera ne’e ba Hospital Nasional Guido Valadares (HNGV) hodi kontinua submete ba prosesu autopsia ba mate isin sidadaun refere atu hatene nia motive.”
Prosesu ba kazu ne’e seidauk submete ba ministeriu Publiku (MP), tanba daudauk ne’e husi FORENSIK mak atende hela kazu refere depois mak sei aprezenta mos aktu ne’ebé mak akontese horseik.
“Ita seidauk hatene nia kauza mate tanba saida, maibé tu’ir informasaun husi ninia kolega ne’ebé mak servisu hamutuk sai formador iha Lelly katak, sidadaun ne’e babain konsumu alkohol, hemu tua makaas. Maibé ida ne’e informasaun, ita seidauk hatene loloos nia mate, tanba saida.”
Jornalista : Chay Risky