Loluwari Média (Díli) – Diretór Diresaun Tranzitu Seguransa Rodaviariu (DTSR), Superintendente Asistente Polísia, Luis da Costa, hatete, Polísia Nasionál Timor-Leste (PNTL) Diresaun Tranzitu Seguransa Rodaviariu no Diresaun Nasionál Transporte Tereste (DNTT) reafirma nafatin aviza ne’ebé antes fo sai ohin 07 Abríl Tranzitu implementa regulamentu ba dalan protokolu husi Rotunda Nicolau Lobato mai to’o Ponte BJ. Habibie, konsege prende kareta rua ne’ebé la kumpri regulamentu.
“Ohin ami hahu implementasaun husi rotunda Nicolau Lobato mai to’o iha Ponte Bj. Habibie la autoriza servidor estadu no mos komunidade inklui negosiante sira labele para kareta no motor iha estrada publiku liu minutu 5. Ba oin ema viola mak ami sei prende nia transporte lori ba transitu atu nune’e sira bele selu tu’ir lei kodigu estrada ne’ebé fo sai ona.” Dehan Diretór DTSR, Superintendente Asistente Polísia, Luis da Costa, ba jornalista sira, iha areadores Palásiu do Governu, Dili, segunda (07/04).
Luis hatete, bainhira publiku la kumpri regulamentu ne’ebé Polísia Tranzitu Seguransa Rodaviariu fo sai mak sira sei aplika lei kodigu estrada numeru 6/2003 artigu 4 hodi selu koimas 45 dolares ba infratores sira.
“Ami husu nafatin ba publiku atu nune’e kumpri regras ne’ebé ami fo sai atu nune’e ita bele rejolve engrafamentu ho neneik maibé bebeik sei diak ba futuru. Bainhira se de’it mak para nia transporte la tu’ir regulamentu mak ami sei aplika lei kodigu estrada numeru 6/2003 iha artigu 4 ne’e ko’alia momos bainhira la kumpri mak sei hetan multa 45 dolares.”
Bainhira se mak koko ou tenta atu viola mak tranzitu sei aplika tu’ir lei ne’ebé iha tanba tranzitu so hakruk deit ba lei.”
“Ohin infrator ida husi munisípiu mai la tu’ir regras ha’u dehan ba nia laiha iha ne’e tratamentu espesiál maibé tratamentu hanesan de’it se de’it mak viola ami sei aplika lei ne’ebé iha.”
“Ohin ami prende kareta rua ne’ebé para la tu’ir regras iha Palásiu governu nia oin tanba para kareta la tu’ir lei kodigu estrada, bainhira regras ne’e wale ba ema hotu tanba Membru PNTL mak kontra mos ami sei foti hotu lei wale ba ema hotu laos polísia mak iha fali lei nia leten tanba ne’e ami husu ba ema hotu atu kumpri.”
Motorista Januario Sarmento, hatete, aviza ne’ebé fo sai sira iha Munisípiu la hatene tanba ne’e mak ohin nia mai ho kareta para kontra lei kodigu estrada maibé nia nafatin kumpri regulamentu Autoridade seguransa liliu PNTL tanba regras ne’e diak ba ema hotu no diak ba rai ida ne’e.
“Ha’u mos la hatene regulamentu foun ne’ebé iha, tanba ne’e ha’u mai para iha ne’e polísia tranzitu mai foti ha’u nia kareta maibé hanesan sidadaun ha’u kumpri regulamentu ne’ebé ita nia autoridade PNTL fo sai ona no ha’u kumpri regras autoridade seguransa.
Ohin ha’u kontra lei kodigu estrada ne’ebé ha’u sei selu multa ho osan montante $ 60.00 ha’u prontu nafatin ba regulamentu sira ne’e tanba regulamentu ne’e diak ba rai ida ne’e.”
Jornalista : Chay Risky