Loluwari Média (Díli) – Portavós Konsellu Superiór Defeza no Seguransa (KSDS), João Aparicio Guterres, informa, Prezidente Repúblika hala’o Reuniaun ho Konsellu Superiór Defeza no Seguransa (KSDS) hodi diskute atu garantia Seguransa Defeza iha rai laran atu kontrola Armamentu no munisoes.
“Ohin Prezidente Repúblika (PR), José Ramos-Horta, konvoka reuniaun husu Konsellu Superiór Defeza no Seguransa nian ami ko’alia kona-ba atu haree hamutuk kna’ar esensiál husi instituisaun estadu nian hanesan Forsa Defeza Timor-Leste (F-FDTL) no Polísia Nasionál Timor-Leste (PNTL) no mos Polísia Cientifika Investigasaun Criminal (PCIC) atu kontrola Armamentu no monisoes.” Dehan Portavós Konsellu Superiór Defeza no seguransa ba jornalista sira, iha Palásiu Prezidensiál Nicolau Lobato, Bairro-Pité Díli, Segunda (07/04).
Nia hatete, Instituisaun Estadu F-FDTL no PNTL inklui PCIC atu kontrola Armamentu no munisoes hodi garantia paz no estabilidade iha Timor-Leste. Oinsa ami atu hametin liu tan kapasidade hodi garantia liu tan paz no Seguransa no mos estabilidade iha rai laran nian.
“Defeza no Seguransa atu garantia seguransa ba povu Timor-Leste atu mantein orden publiku iha Timor-Leste partisipa iha ativa ba sidadaun sira hotu ba Seguransa nasionál.”
“Aspetu ida ne’ebé importante liu mak ko’alia kona-ba kontrolu rigurozu ida ba uza armamentu halo koordenasaun ho altu nivel nian.”
PR husu ba treatmentu kapasitasaun Instituisaun F-FDTL, PNTL no mós PCIC atu hatudu disipliña no etika bainhira utiliza Armamentu no munisoes.
“Aspetu importante mak ita atu garantia seguransa rai laran no garantia integridade no operasaun Militár no mos atu garantia kumprimentu normas legais ba ita nia rai laran no mos rai liur, liliu kona-ba Seguransa no mos Direitus Humanus.”
Partisipa iha reuniaun kosellu superior defeza no seguransa kompostu husi ministru defeza, kontralmirante, Ministru da Justisa, Ministru Interior, Xefe estadu maior Jeneral F-FDTL membru parlamentu nasional komisaun B ne’ebé trata assuntu seguransa no defeza, komandante Jeral PNTL, Komisariu Jeral.
“Ohin Reuniaun husi Konsellu Superiór Defeza no Seguransa ne’e partisipa husi Ministru Defeza (MD), Ministru Justica (MJ), Ministru Interiór (MI) no mos Xefe Estadu Maiór Jenerál (F-FDTL) inklui Komandante Jerál Polísia Nasionál Timor-Leste (PNTL) Komisáriu Jerál, Membru Parlamentu Nasionál Asuntu Seguransa no Defeza.
Jornalista : Chay Risky