Loluwari Média (Díli) – Prezidente Repúblika (PR), José Ramos-Horta, fó kuitadu ba Ministra Saúde (MS), Elia dos Reis Amaral, tanba falta aimoruk ema hotu kritika nia, tu’ir loloos ne’e responsabilidade ba ai-moruk husi Servisu Autonomu Medikamentu no Ekipamentu Saúde (SAMES).
“Bainhira falta ai-moruk ou ai-moruk laiha ema hotu, kritika, MS kuitadu ba Ministra Saúde, tu’ir loloos SAMES ne’e Institutu Públiku (IP) Autonomu, sira mak halo importasaun ai-moruk, tu’ir loloos sira mak halo jestaun ai-moruk, tanba sira mak manan osan bo’ot.” dehan PR, José Ramos-Horta, ba jornalista sira, hafoin sai oradór ba reflesaun nasionál tinan 50 aniversáriu proklamasaun independénsiaTimor-Leste, iha Salaun Auditóriu UNTL Kaikoli, Kuarta (09/04).
PR hatete, Primeiru Ministru (PM) halo desizaun atu taka IP no EP balu tanba IP no EP agora halo mate tiha Institutu Públiku balu, ida piór liu mak SAMES IP.
“Ha’u konkorda pursentu atus ida (100%), fila ba governu, tanba governu mak kaer instuituisaun sira ne’e, iha rai seluk Institutu Públiku sira halo jestaun osan bo’ot ne’ebé nia rekolla husi impostu ka hatama reseitas ba estadu hanesan eletrisidade ne’e.”
Instituisaun públiku, osan mai husi governu, maibé sira la hatama osan nein duit metan ida ba governu. Signifika sira supa fali governu ne’e diak liu taka de’it.
“Ita nia Instituisaun Públiku, osan mai husi governu, sira la hatama osan neim duit metan ida ba governu, maibé manan osan bo’ot de’it tanba ne’e ha’u apoiu governu diak taka IP no EP iha Timor-Leste.”
Jornalista : Chay Risky