Loluwari Média (Díli) – Primeiru Ministru (PM), Kay Rala Xanana Gusmão, hatete, loos duni na’in ba rai iha Becora dehan rai ne’e sira nian tanba sira ba halo keixa iha Tribunal Xanana Gusmão prontu tama kadeia.
“Loos duni ha’u dehan tiha ba sira, ha’u prontu ba kadeia, tanba ha’u ba kadeia dala rua ona. Tanba la’os primeira ves ha’u sai polísia tranzitu iha ponte Becora nian. Tanba ne’e ha’u dehan ona ba Sekretáriu Estadu Autoridade Toponomia Urbana (SEATOU) no Ministru Obras Públikas (MOP) lalika tan halo estrada ona no husik de’it ona.” Dehan PM, Kay Rala Xanana Gusmão, ba jornalista sira iha Palásiu Prezidensiál, Nicolau Lobato, Bairro-Pité, Díli, kinta (10/04).
Xefe ezekutivu hatete, atu hadia estrada komunidade afetadu hotu-hotu hamri’ik hodi protesta governu tanba ne’e xefe governu prontu ba kadeia bainhira komunidade sira ba halo keisa iha Tribunal.
“Ami atu hahu ona maibé ami haluha ponte Becora no ami halo daudaun estrada husi Becora liman karuk nian hotu tiha mak ami halo fali liman loos nian ami halo daudaun ona.”
Bainhira komunidade afetadu kontinua protesta SEATOU ho MOP mak PM sei fo orden ba MOP atu halo estrada diak nian no luan para kareta no motor bele liu ba mai.
“Bainhira ami halo estrada ami tenke respeita rai na’in la’e ha’u ba kadeia tanba ne’e mak ami sei halo estrada no halo moru bo’ot ida hodi haleu rai na’in nia uma tanba nia labele sai mai estrada tanba rai ne’e ninian no povu hotu sei haree ne’e rai na’in.”
Bainhira rai na’in governu tenke respeita tanba ne’e Xefe governu preparadu atu ba kadeia no sira lori Xefe Governu ba Tribunal ne’e Tribunal sei lori nia ba kedas kadeia ona tanba ne’e nia husu ba komunidade afetadu sira atu nafatin protesta ba maibé governu kontinua hadia estrada Becora-Kuluhun.
“Estrada sei hadia halo luan no kaber mak ema hotu partisipa ho laran no ema hotu hakarak dezenvolvimentu no sira la hanoin ba komunidade Kuluhun ne’ebé sira la hanoin ba sira nia direitu tanba governu sei hadia no agora dadaun ami tau ona rai henek husi estrada Bidau to’o Bekora.”
“Ami sei haluan no hadia estrada husi Kuluhun to’o Becora atu konsidera direitu bo’ot liu estadu no nasaun ne’e nian, ami sei respeita ba komunidade rai na’in nia uma hodi halo estrada karik nia uma tenke haleu moru no tenke halo kurzamentu ba komunidade nia uma afetadu sira tanba ema ida labele tama no asu ida labele tama tanba ne’e ami sei halo moru bo’ot ida hodi proteze sira.”
Jornalista : Chay Risky