Loluwari Média (Dili) – Ministru Justisa (MJ), Sérgio da Costa de Jesus Hornai, informa, MJ realiza enkontru ho Vise Ministru Koordenasaun Polítika Externa Indonésia hodi diskute kooperasaun bilateral entre estadu rai rua.
“Reuniaun ohin importante loos delegasaun bo’ot ida mai husi Indonésia liliu husi ministru Kemenko-Polhukam ninian ne’ebé mai ko’alia, oinsá mak ita atu hametin ita nia kooperasaun iha servisu bilateral pais rua ninian. Ita mós halo kooperasaun servisu ida ho sira ne’ebé ita halo iha krime sira iha krime transnasional.” dehan Ministru Justisa (MJ), Sérgio Hornai, iha Colmera, segunda (09/06).
Governante ne’e hatete, problema migrasaun sai polítika ne’ebé sai asuntu ida iha ministeriu Justisa Timor-Leste no vise Ministru Koordenasaun Política Externa Indonésia ne’ebé tenta identifika Polísia Repúblik Indonesia (POLRI) ho instituisaun husi Kemenko-Polhukam nian hodi halo servisu migrasaun ba futuru.
“Ita bo’ot sira hatene muito bem problema migrasaun sai azilu polítiku sai mós asuntu ida ne’ebé iha ministeriu Justisa Timor-Leste nune’e mós iha Kemenko-Polhukam indonesia ninian, sira tenta identifika hamutuk POLRI ho instituisaun sira relevante ne’ebé iha Kemenko-Polhukam ninian ita atu halo servisu ba oin”.
Uluk liu sira mós ita hakarak agradese ba sira nia delegasaun ne’ebé mak mai atu bele hasoru Ministru Justisa ao mesmo tempu sira atu aborda tan servisu sira iha polítika ekonomia kultura no mos ba iha Justisa liliu ba iha rejistu no mós imigrasaun, atu aban bainrua hela de’it fulan hira ita atu tama ba iha ASEAN. Ita atu sai adezaun permanente iha ASEAN, konserteza la’ós ona indonesia de’it mak nia mobilidade sai tama iha timor maibé husi ita nia estadu membru ke ita hola parte depois sai hanesan membru iha asuntu sira ne’ebé importante ita atu diskute iha estadu membru sira iha liliu iha reuniaun bilateral no mós reuniaun sira ne’ebé iha relasionamentu ba iha ASEAN ninian enatun iha ne’e ita presiza tau nafatin hanoin ba malu”.
Entretantu halo reuniaun husi delegasaun indonesia no Ministeriu Justisa Timor-Leste tau ideia hamutuk hodi halo servisu sira ne’ebé iha migrasaun no iha fronteira nune’e bele rekuñese dokumentu entre estadu Timor-Leste no Indonesia iha relasionamentu ba iha mobilidade povu Timor-Leste no Indonesia bele sai tama iha area juridisaun.
Sergio promote, sei esforsu hamutuk halo interkambiu nune’e haree pratika sira ba nasaun no ba nasaun seluk hodi halo melloramentu no halo prestasaun servisu ne’ebé kualidade iha nasaun rua.
“Ita mós sei buka esforsu hamutuk atu halo interkambiu atu haree boas prátika sira iha rai ida ga nasaun ida ba nasaun ida seluk atu halo melloramentu nune’e bele presta servisu sira ho kualidade iha sira, ohin ha’u mos truka ideia ho sira, atu ita mak halo servisu liliu ita ninia polísia migrasaun sira ho ita nia ministeriu interior halo servisu hamutuk atu haree kona-ba sidadaun sira ne’ebé mak tama maibé lori problema Justisa mai iha ita ninia territóriu nasionál. Entaun iha ne’e ministeriu Justisa hamutuk ho sira atu bele diskuti liu tan kona-ba iha trafiku umanu ninian, tanba trafiku umanu tutela iha ministeriu Justisa”
Adjuntu koordenasaun Politika Externa Ministeriu Kordenador asuntu Politika Justisa no seguransa (Kemenko-Polhukam Indonesia) Muhammad Koba, afirma, delegasaun Menkopolhukam ho hasoru malu Ministru Justisa Timor-Leste ko’alia kona-ba ba adezaun TL ASEAN nune’e mos ko’alia kona-ba kestaun reforsa fronteira entermus servisu migrasaun nian atu kontrola mobilidade ema tama sai iha area juridisaun Indonesia no Timor-Leste.
Indonesia kompromete sei apoia kapasitasaun formasaun ba PCIC no Servisu Migrasaun hodi mellora sira nia servisu enkontru ne’e ko’alia mos asuntu teknolojia dijitalizasaun no kooperasaun sira ne’ebé iha nivel ASEAN iha kooperasaun trilateral iha futuru.
Jornalista : Anis