Loluwari Média (Díli) – Diretór Diresaun Departementu Investigasaun Kriminal (DDIK), Superintendente Polísia, João Belo dos Reis, hatete, Polísia Nasionál Timor-Leste (PNTL) liuhusi Diresaun Investigasaun Kriminál bolu ona sidadaun ne’ebé Pinta Emblema ba Bandeira Nasionál Timor-Leste (RDTL) hodi mai presta deklarasaun.
“Bazeia imajen ne’ebé viral iha media sosial ita nia sidadaun ne’ebé pinta ita nia bandeira RDTL tanba ne’e ami bolu ona sidadaun refere mai presta nia deklarasaun tanba saida mak nia halo, nia halo ho objetivu saida nia presta ona deklarasaun no deklarasaun sira ne’e elementu krime iha ne’eba.”
Belo hatete, Investigasaun Kriminál sei aprezenta ba Ministeriu Públiku (MP) tanba hakarak ka Emblema sira ne’ebé mak tau iha Bandeira Nasionál ne’e regula ona konstituisaun RDTL.
“Bainhira ita atu halo mudansa ba emblema koor Bandeira ita tenke muda konstituisaun, tanba ne’e mak ami bolu sidadaun ne’e atu klarifika tanba saida mak buat ne’e akontese tanba sidadaun ne’e regula konstituisaun.”
“Bandeira ho nia kor ou emblema ne’e lulik, bainhira se de’it mak pinta ou hakerek ne’e krime. Tanba ne’e kualkér sidadaun ida labele inventa fora husi konstituisaun hakerek.
“Ami Autoridade Seguransa (PNTL) la tolera kualkér sidadaun ne’ebé viola sidadaun simbolu Nasionál no ami notifika sidadaun ne’e no ami sei aprezenta ba MP.” Belo argumenta.
Padre, Joaquim Sarmento, hatete, inisiativa mai PNTL liuhusi Departamentu Investigasaun Kriminál hodi presta deklarasaun tanba nia sente komete eru hasoru Bandeira RDTL.
“Ha’u husu diskulpa ba povu doben Timor-Leste, no Heroinu no heroina inklui martires sira hotu. Tanba ha’u sente ha’u halo sala ha’u halo erru ida, tanba ha’u la’os ho intensaun des onra ou la respeita ita nia bandeira Nasionál maibé ha’u konsidera ha’u nia an ema ida ne’ebé sempre respeita no onra ba Bandeira Nasionál.” Dehan Padre, Joaquim Sarmento ba jornalista sira iha Komandu Jerál PNTL Kaikoli Dili, sexta (13/06).
Bibi atan ne’e konfesa, nia sempre inspetor ba bandeira Nasionál ba dala 5 ona nia knaar ne’ebé halo ho orgullu ho orden no dignidade maibé horseik ne’e nia halo erru ida, nia rekuñese nia an husu diskulpa ba povu Timor-Leste.
“Ohin ha’u rasik mai presta deklarasaun, tanba ita hotu hatene iha media tanba hau haruka halo logo Jejuita nian iha Timor ba Bandeira Nasionál entrega ba Padre. Misionáriu nu’udar rekordasaun ba ha’u nia kolega Padre. Misionáriu Portugues ida ne’ebé horseik fila-fali ba nia rai moris fatin.”
“Padre, Misionáriu ne’e ho naran Abel, bandeira tanba ne’e mak Padre, Joaquim Sarmento ho ideia ida ba bandeira ne’e hodi entrega ba nia nu’udar lembransa ida maibé nia sente sala tanba nia halo logo iha Bandeira Nasionál ho logo Jejuita nian ne’ebé ho logo ne’e nia rasik mak dezeña iha tinan 20 resin liu ba.
“Ha’u mos lahatene nu’udar ema sala na’in halo tiha ida ne’e ha’u print tiha hanesan buat ruma taka ha’u nia hanoin tanba ne’e ha’u deklara, ha’u sala no ne’e la’os ha’u reprezenta Igreja maibé ne’e sala ne’ebé ha’u komete ha’u nia pesoal no la reprezenta komunidade Jejuita iha Timor maibé ha’u rasik mak sala ha’u prontu responsabilidade ba ha’u nia erru ne’ebé ha’u halo.”
Jornalista : Chay Risky