Loluwari Média (Díli) – Segundu Komandante Jerál Polísia Nasionál Timor-Leste (PNTL), Komisariu Polisia, Pedro Belo, hatete, enkotru kona-ba tekniku levantamentu uma ba afeitadu sira iha Areadores Kuartel Jerál PNTL Kaikoli, ba rai no uma kain haat (4) ne’ebé halo indiminizasaun hodi prosesu konstrusaun Kuartel Jerál PNTL.
“Ita hotu akompaña iha prosesu ba iha konstrusaun hari’i edifisiu Kuartel Jerál PNTL, prosesu ida ne’ebé naruk teb-tebes, tanba iha mos problema balu ne’ebé ita seidauk rejolve to’o agora.” Segundu Komandante Jerál PNTL, Komisariu Polisia, Pedro Belo, nia diskursu iha Komandu Jeral PNTL, Kaikoli, Dili, Kinta (26/06).
Belo esplika, konstrusaun ba edifisu Kuartel Jerál PNTL no mos ba iha Komandu Munisípiu sira, iha mos ba Eskuadra sira no mos bairru polisia sira ida importante tebes, tanba ne’e tama ona ba planu estratejiku iha PNTL nian ne’ebé hotu-hotu akompaña.
“Ohin loron ita hamutuk para iha ona solusaun ida ne’ebé di’ak, para ita hala’o ona ita nia konstrusaun, tanba ita hatene katak iha ona orsamentu atu hala’o ona, maibé ita iha probelma uitoan ba uma afetadu kona-ba uma kain haat iha probelma kona-ba rai.”
Konstrusaun edifisiu PNTL fatin ida ne’e la sufisiente ona ba servisu atividade operasaun PNTL nian, tanba ne’e servisu ne’ebé aumenta ba beibeik, persiza kondisaun ne’ebé diak nune’e polisia hala’o nia knaar ho dignu.
“Ita bo’ot sira mos bele hatene katak, ita nia governu oras ne’e daudaun servisu makaas, Timor-Leste atu tama ba ASEAN iha Outubru, entaun dignidade ba nasaun nian ita persiza edifisu Kuartel Jerál PNTL ida ne’ebé mak di’ak.”
Husu ba parte hotu atu bele fó solusaun tanba kondisaun edifisiu Kuartél Jerál ne’ebé maka agora dadaun at ba dadaun no la sufisiente ba servisu atividade operasaun Polísia.
Diretór Jeral Ministeriu Obras Públikas (MOP), Domingos de Jesus Sequiera, hatete, enkontru ida ne’e husi inisiu probelma ida ne’e kleur liu ona nunka iha finalidade, tanba konstrusaun Kuartel Jerál PNTL ne’e kleur ona iha planu maibé seidauk hala’o tanba probelma oi-oin ne’ebé akontese iha ne’eba.
“Ita ko’alia kona-bá hari’i edifisiu foun Kuartel Jerál PNTL ninia prosesu kleur, responsabilidade ba konstrusaun projetu ne’e, Ministeriu Interior (MI) no utilizador PNTL, husi kondisaun ida ne’e ninia prosesu la’o 2016 to’o 2017 kuandu implementa ita hasoru ona probelma, probelma iha fondasi kontrusaun ne’e rasik.”
Tanba ne’e atu hari’i uma ida dignu ba PNTL, maibé iha fallansu iha Manajementu ida ne’e mak akontese ate agora, tanba sistema jere manajementu ladauk diak.
“Tanba ne’e iha inkotru ida ne’e ita fo hanoin ba malu, atu bele realiza Konstrusaun Kuartel Jerál PNTL nian, atu nunee ita nia polisia servisu diak liu tan ba ita nia povu no nasaun ida ne’e.”
Xefe Suku Caicoli, Hipolito Marques Sarmento, infoma inkotru nee ikus atu foti levantamentu dadus foun iha tersa agora, atu nune’e bele halo konstrusaun Kuartel Jerál PNTL nian.
“Iha uma kain haat maka na’in ba rai, maibé komunidade sira seluk ne’e ita tenke tun fali ba atu haree didiak, tanba uluk ita hatur fatuk dahuluk ne’e komunidade sira seidauk halo uma diak, tanba ne’e fo tempu mai ha’u, ha’u tun hodi tur hamutuk ho sira, depois ha’u fo fali informasaun ba Advogadu, tanba aban ita tun ne’e labele.”
Xefe Gabinete Planeamentu Estratéjiku no Dezenvolvimentu (PED), PNTL Superintendente Assistente Polísia, Carlito Adoro aprezenta, Gabinete Planeamentu Estratéjiku no Dezenvolvimentu (PED) PNTL liuhusi orientasaun Komandante Jerál PNTL no Segundu Komandante Jerál iha 8 Fevereiru 2024 no komunika ho Ministru Justisa (MJ), iha 20 Marsu 2024 hodi identifika rai ba PNTL.
“Liuhusi prezensa Ministru Justisa iha 18 Juñu 2024 orienta Diresaun Jerál no Diresaun Nasional Terras no Propriedades atu responde urjente rai ba Konstrusaun Kuartél Jerál, Eskuadra Vera Cruz, Na’in Feto, Bairro Polísia, Logistika Nasional PNTL, Kompaña Charlie Unidade Espesiál Polísia (UEP) iha Golgota no postu Vizilansia iha Tuana-Laran, tanba ne’e ohin ita halibur hamutuk iha fatin ida ne’e foka liu ba tópiku prinsipal mak reuniaun tékniku levantamentu uma ba afetadu Kuartél Jerál PNTL no rai ba uma ka’in ha’at (4) inklui Prosesu Konstrusaun Kuartél Jerál PNTL.”
Prosesu levantamentu dadus Kuartél Jerál PNTL, hetan konkordaun liuhusi reprezentante afetadu atual Advogadu, Julio da Silva no Olivio Afonso, komunika ho Tribunal Distrital Dili (TDD) pauza tiha prosesu.
Rohan husi sorumutu ne’e Komandu PNTL ho liña Ministeriais sira no parte Advogadu konkorda atu halo Levantamentu Dadus Uma afetadu ba konstrusaun edifisiu Kuartél Jerál, iha semana oin. Molok hala’o levantamentu dadus parte Advogadu ho Autoridade lokal liliu Xefe Suku Kaikoli, sei ba ko’alia ho komunidade afetadu sira, liga ho atividade levantamentu dadus ne’ebé sei hala’o iha semana oin, hola parte iha enkontru né’e prezensa husi Segundu Komandante Jerál PNTL ho estrutura hamutuk ho liña Ministeriais sira mak Ministeriu Interior (MI), Ministeriu Obras Públikas (MOP), Ministeriu Justisa (MJ) liuhusi Diresaun Terras no Propriedade, Ministeriu Agrikultura no Peskas, ADN, CAN no Autoridade Lokal.
Jornalista : Chay Risky