Loluwari Média (Díli) – Ministru Defeza (MD), Kontra Almirante, Donaciano Costa Gomes “Pedro Klamar Fuik”, hatete, Embaxadór India ba Timor-Leste tersa ne’e hala’o vizita kortejia iha Ministériu Defeza hodi relasaun Bilaterál entre estadu Timor-Leste no India.
“Ita nia relasaun entre Timor-Leste ho India metin liu tan bainhira ita iha kolokasaun Embaxada Timor-Leste iha India no mos India nian mai Timor-Leste.” Dehan Ministru Defeza (MD), Kontra Almirante, Donaciano Costa Gomes “Pedro Klamar Fuik”, ba jornalista sira, iha Kuartel General F-FDTL, Fatuhada, Dili, Tersa (01/07).
Ezekutivu hatete, Embaxada India mai Timor-Leste no Timor-Leste nia Embaxada signifika dezenvolvimentu ba Timor-Leste ho India nia diplomátika sei metin liu nune’e mos ba dezenvolvimentu kooperasaun iha aréa Defeza sei la’o diak.
“Ita haree India hanesan nasaun potensial rai bo’ot ida ne’ebé promove global sal no mos sai hanesan fundador ba pais Malinas ne’e importante tebes no mos ho politika ne’ebé ita dezenvolve ba kooperasaun iha ambitu Defeza, ita fiar katak ita hanesan pais ida não alinadu ba rai bo’ot sira seluk maibé ita iha amigos barak.”
Tanba Timor-Leste, laiha aliadu no inimigu maibé Timor-Leste, halo amigu ba rai hotu-hotu inklui India, tanba ne’e embaxadór India nia vizita mai MD atu hametin relasaun diplomátika no kooperasaun ho MD.
“India nia apoiu mai Timor-Leste, mak formasaun barak ba ita nia ofisiais Komponente Naval no mos ba Estadu Maiór nian liliu ba area marina nian ne’ebé India fo iha setór da Defeza.”
Embaixadór India ba Timor-Leste, Madam Kuman Ghildiyal, hatete, vizita ba Ministériu Defeza ne’e atu fó onra ba ministru Defeza hodi hasoru diskute relasaun Bilaterál entre India ho Timor-Leste.
“Hahú ami nia relasaun diplomátika iha Janeiru 2003 lakleur hafoin independénsia durante loron Independénsia dahuluk. Ami nia ministru Estadu ba Negósiu Estranjeiru sira reprezenta Índia mai Timor-Leste, iha Maiu 2000 liu ba.”
“Hafoin ne’e relasaun sira kontinua hari’i. Iha 2024, prezidente Timor-Leste vizita ona Índia iha Janeiru 2024 tuir mai prezidente Índia mai iha sentru komersiál horisehik iha Agostu 2024 no fó sai abertura ba Embaxada Índia nian. Lakleur de’it, hafoin iha Setembru, ami loke ami-nia Embaxada iha ne’e.”
Tanba Timor-Leste mós loke nia Embaxada iha Dehli. Entaun agora tempu ba ita. Atu hari’i ami nia relasaun lalais liu, metin liu. No ha’u mai atu, hasoru ministru onradu. Iha ligasaun ho bilaterál, Kooperasaun defeza nian.”
Prosesu husi Polítika iha aspetu ida ne’e. Sira ko’alia hela ho nasaun barak. India mós oferese maibé sira bele halo no sira hein ba oin. Ninia orientasaun no apoiu. Hodi lori kooperasaun ba oin sai diak liután.
Jornalista : Chay Risky