Loluwari Média (Dili) – Komandu polísia Nasionál Timor-Leste (PNTL) no Ministeriu Interiór (MI) atualiza ba kazu semanal no situasaun seguransa iha Timor-Leste, la’o ho kontroladu no organizadu, no rejista kazu hamutuk 81 iha fulan Juñu nia laran.
“Hakarak atualiza informasaun ofisiál kona-ba evolusaun no situasaun seguransa iha territóriu Timor-Leste, laran tomak husi prespetiva semanal no dadus ne’ebé ami simu husi munisípiu sira, primeiru situasaun seguransa interna hahu iha dia vinte dois (22) de juñu ate ohin dia tres (3) de Jullu formalmente situasaun seguransa iha kontrolu laran”. Dehan porta voz superintendente Polísia, Joáo Belo dos Reis, iha Ministeriu interiór (MI), Kinta (03/07).
Polísia Nasionál Timor-Leste (PNTL) ho nia parseiru sira servisu hamutuk hodi kontinua halo monitorizasaun no vizilansia urbana mak hanesan iha munisipiu Dili, Covalima, Bobonaro, Baucau no Ermera
Joáo Belo dos Reis, haktuir, iha loron 3 liu ba ekipa konduta detekta hotel balu fasilita halo explorasaun sexual ba direita ba minoridade sira no operasaun ba kazu hanesan ne’e sei kontinua nafatin hodi labele fo fatin ba sidadaun estranjeiru no timor oan sira atu labele halo explorasaun ba minoridade sira.
“Loron hirak liu ba ha’u hato’o ba maluk sira iha tersa feira liu ba ekipa konjunta detekta hotel balu nafatin fasilita halo explorasaun sexual direita ka indireita ba minoridade sira operasaun ba kazu hanesan sei kontinua atu ita labele fo fatin ba ema estranjeiru ka ba ema timor oan sira halo explorasaun ba minoridade sira”.
Polísia Nasionál Timor-Leste (PNTL) rejista kazu hamutuk 81 husi nivel suku to’o iha nasionál ne’ebé kazu kompostu husi 23 kazu ba asaltu, violensia domestika 36, ofensas integridade fízika 17, kontra bandu 7, no ameasa 6, ne’ebé husi kazu sira ne’e maioria akontese iha munisípiu Dili.
“Hakarak update dadus krime semanal ba kolega sira katak durante semana referidu PNTL rejista kazu hamutuk oitenta e um (81) iha nivel suku to’o nasional ne’ebé kompostu husi vinte trez asaltus (23), violensia ba jéneru ka violensia domestika hamutuk trinta e seis (36), ofensas integridade fízika hamutuk dizasete (17) kazu, kontra bandu sete (7) kazu, no ameasa hamutuk seis (6) kazu, maioria kazu sira ne’e akontese iha Dili, mais as liu iha postu administrasaun Dom Aleixo, Vera Cruz no Cristo Rei”.
Alende ne’e Polísia Nasionál Timor-Leste (PNTL) liuhusi Diresaun Nasionál Seguransa Tranzitu Rodoviaria (DNSTR) iha munisípiu no nasionál ne’ebé halo servisu makaas hodi rejista kazu 54 asidente ba kauza ema mate na’in 3, kanek grave na’in 8, kanek kaman na’in 58, ba fatór sira ne’ebé kauza ema mate violasaun ba regra Tranzitu, Konsumu bebidas Alkohol, laiha esperiénsia ba kondus transporte no laiha karta kondusaun, falta kontrolu ba velosidade no akontese ba mosu natureza anin, rai monu.
Jornalista : Anis