Loluwari Média (Díli) – Diretór Diresaun Tranzitu Seguransa Rodaviariu (DTSR), Superintendente Asistente polisia, Luís da Costa, informa Polísia Nasionál Timor-Leste (PNTL) liuhusi DTSR iha munisípiu 14 husi 01 Juñu to’o 30 Juñu rejista kazu 181 iha territóriu Timor-Leste.
“Husi kazu 181 ne’e ema lakon vida hamutuk na’in 10, kanek todan hamutuk 35, kanek kaman 193, husi kazu hirak ne’e DTSR rekapitula ba kazu ne’e hotu ba prosesu final mak kazu 2, prosesu ba iha Tribunál kazu 10, no sei iha prosesu nia laran mak 102, rejolve anivel infratores hamutuk 67, husi kazu asindente hirak ne’e.
“Ami nia haree statistiku nivel ba kazu ne’e kontribuisaun mak husi fatór ema ne’e mak 100% fatór veikullu no dalan laiha.” Dehan Diretór DTSR, Superintendente Asistente polisia, Luís da Costa, ba jornalista sira, iha Komandu Jerál PNTL, Kaikoli, Dili, tersa (08/07).
Luis relata, asindente ne’ebé hahu husi Janeiru to’o Juñu DTSR rejista totál 562 no husi 562 ne’e ema lakon 40, kanek todan 86, kanek kaman 591, husi kazu hirak ne’e hahu husi Janeiru to’o mai juñu kazu final 6 prosesu ba iha Tribunál hamutuk 19, sei iha prosesu nia laran mak 306, rejolve anivel infratores hamutuk 231.
“Husi Janeiru mai to’o Juñu kazu sira ne’ebé ami rejista total 562 husi 562 ne’e faktor humanu mak aas 90%, tu’ir mak fatór veikullu 10%, no mos fatór dalan 5%.”
Jornalista : Chay Risky