Loluwari Media (Metinaro) – Centru konstrusaun Komandante Nicolau Lobato (CICNL) ensera kursu língua Portugés ba dala 2 no formador na’in 10 nivel A1, A2, B1 no B2, Komandante Forsa Apoiu Geral Tenente Coronel Infantaria, João Bosco Ximenes “LENOK”, agradese ba serimónia enseramentu Kursu Intensivu daruak iha Lian Portugés ba objetivu Espesífiku sira, tanba Kursu Intensivu daruak ba Lian Portugués.
Objetivu prinsipál maka atu forma pesoál militár timoroan sira nu’udar instrutór lian portugués ba objetivu espesífiku, atu militár timor oan sira ne’ebé kualifikadu atu hanorin lian Portugués ba Komponente oioin, inklui Unidade sira hotu.
“Ita nia formandu na’in sanulu formadór lian portugués foun na’in sanulu ba objetivu espesífiku hakotu Kursu Intensivu daruak iha lian Portugués tanba susesu husi Kursu Intensivu daruak iha Portugués ba objetivu espesífiku presiza esforsu maka’as, dedikasaun, no estudu intensivu husi ita bo’ot sira hotu, atu to’o nivel A1/A2, B1, no sei iha faze esperimentál, B2. Maibé ita bo’ot sira konsege, ha’u nia parabéns bom susesu ba imi hotu.” Dehan Komandante Forsa Apoiu Geral Tenente Coronel Infantaria, João Bosco Ximenes “LENOK” ba jornalista sira, iha Centru Instrusaun Comandante Nicolau Lobato, Metinaro (CICLN), kuarta (09/07).
LENOK suliña, susesu ida ne’e sei la sai posivel bainhira laiha kompromisu, profisionalizmu, no dedikasaun husi asesór tékniku portugués sira ne’ebé, hahú husi 2017, nu’udar parte husi Projetu 2 husi Programa Kooperasaun Defeza nian, hanorin ona lian portugués ho objetivu espesífiku ba pesoál militár Falintil-Forsa Defeza Timor-Leste.
“Importante atu hanoin katak, ba Timor-Leste, lian portugués nu’udar meiu indispensável no distintivu atu afirma nasaun ne’e iha kontestu jeopolítiku sudeste Aziátiku nian, no esensiál atu alkansa ita nia objetivu polítiku no estratéjiku sira iha rejiaun ida ne’e no mos mundu ida ne’e.”
“Imi agora hetan fiar ho misaun atu kontribui maka’as ba ensinu lian Portugués ho objetivu espesífiku, la’ós de’it iha Sentru Formasaun Komandante Nicolau Lobato, maibé mós iha Komponente, Unidade no orgaun hotu-hotu Falintil-Forsa Defeza Timor-Leste nian, atu nune’e Timor-Leste bele aumenta ba beibeik nasaun ida ne’ebé forte.
Diretor Tékniku Projetu 2, Bruno Miguel Clara Fernandes Gaspar Mendes, hatete, kursu ba dala rua ho lian Portugés ne’e ho objetivu ba espesifiku ne’ebé hahu iha Jullu 1 tinan 2024 no iha 2025 konklui ona kursu lian Portugués iha nivel A1, A2, B1 no B2 no formasaun ne’e kontribui ba dezenvolvimentu profisional no dezenvolvimentu pesoál ba F-FDTL.
“Kursu Intensivu daruak ida ne’e iha Portugués ba objetivu espesífiku sira, ne’ebé hahú iha 1 Jullu 2024, no ne’ebé ohin ami konklui, iha objetivu prinsipál rua, ida uluk atu ekipa formandu sira ho abilidade lian nian iha nivel A1/A2, B1, no B2 maske esperimentál ho konteúdu no terminolojia téknika ne’ebé adapta ba kontestu militár formasaun ne’e kontribui diretamente ba dezenvolvimentu profisionál no dezenvolvimentu pesoál militár Falintil-FDTL iha sira nia komandu ba lian portugués. Ida daruak, no karik krusiál liu, maka forma pesoál militár timoroan sira nu’udar futuru formadór ba lian portugués ba objetivu espesífiku sira, hodi permite sira atu hanorin iha Komponente, Unidade, no Ajénsia oioin F-FDTL”.
Kursu lian Portugués ne’e presiza oras barak no estuda hodi dedika an sai profisional hodi hametin lian Portugués iha instituisaun F-FDTL.
“Ami hatene katak kursu ida ne’e ezijente ida ne’e presiza oras barak atu estuda, dedikasaun, no perseveransa, maibé ohin ami konvensidu katak esforsu ida ne’e vale duni, individualmente ba formandu ida-idak, maibé liliu koletivamente, ba hametin prezensa lian portugués nian iha F-FDTL,
Kursu ida-ne’e sai duni valór akresentadu ida ba futuru instituisaun nian. Liuhusi formadór timoroan foun sira ne’e, sei bele alkansa kualidade aas liu iha preparasaun dokumentasaun ofisiál nian, hadi’a komunikasaun portugués tantu internalmente no ho asesór sira, no sé mak hatene, fasilita dezempeñu misaun no funsaun sira iha futuru iha ne’ebé de’it iha mundu luzófonu”.
Diretor tekniku, hato’o obrigadu barak ba profesór no asesor tekniku sira nia komprimisiu ho nia dedikasaun tomak hodi fo formasaun kursu lian Portugués ba formador na’in 10 ne’e hodi konklui ona sira nia kursu ne’e remata.
“Agora ha’u hakarak hato’o liafuan uitoan ba ha’u nia Asesór Tékniku sira, Profesór Lian Portugués obrigadu ba imi nia kompromisu no dedikasaun. Ha’u hatene katak viajen ida ne’e ezije tebes ba ita bo’ot mós, prosesu ida ne’ebé kontínuu ba aprendizajen, adaptasaun, no fahe.
Maibé ha’u iha serteza katak, haree fali ba viajen, ita bo’ot sente, hanesan ha’u, katak ida ne’e hotu vale duni. Agora ha’u fila ba estudante na’in 10 ne’ebé ohin kompleta ho susesu 2º Kursu Intensivu iha Portugués ho objetivu Espesífiku, hanesan ha’u temi ona, ami hatene didi’ak esforsu ne’ebé ezije husi ita bo’ot sira. Maibé ita bo’ot halo ida ne’e no ba ida ne’e, ha’u nia parabéns sinseru”.
Jornalista : Anis