Loluwari Média (Díli) – Komandante Jerál Polísia Nasionál Timor-Leste (PNTL), Komisariu Jerál, Henrique da Costa, informa, JIKA liuhusi governu Japaun sei apoiu Ro haat ba Polísia Nasionál Timor-Leste (PNTL), liuhusi Unidade Polísia Maritima (UPM), atu utiliza kontrola tasi Timor-Leste.
“Embaxadór Japaun ho nia ekipa tékniku survei ona fatin ne’ebé serve duni ba ro ne’ebé apoiu husi governu Japaun hodi bele atraka mak Beacou no Kuartel UPM rasik.” Dehan Komandante Jerál PNTL, Komisariu Jerál, Henrique da Costa, ba jornalista sira, iha Kuartel Jerál PNTL, Kaikoli, Dili, kuarta (09/07).
Komjer esplika, UPM munisípiu Lautém mos presiza fatin, munisípiu Covalima inklui Rejiaun Administrativa Espesial Oe-Cusse Ambeno (RAEOA) mos presiza hela maibé governu Japaun sei tau prioridade ba Beacou ho Komandu UPM Dili.
“Ro ne’ebé governu Japaun sei apoiu mai UPM Komandu Jerál sei jere ba fatin sira seluk ne’ebé presiza halo vizilansia ba ita nia tasi liliu ba peska illegal sira ne’e, ita nia governu Japaun liuhusi JICA mos apoiu ona buat barak mai iha instituisaun PNTL.”
Embaxadór Japaun mai Timor-Leste, Kimura Tetsuya, fo nia agradesementu ba PNTL ho JICA nia kooperasaun servisu hamutuk hodi oferese ro haat (4) ba PNTL liuhusi Unidade Polísia Maritima (UPM).
“Ha’u haksolok tanba ita nia kooperasaun no ami promete katak ami sei apoiu Ró haat ba PNTL liuhusi Unidade Polísia Maritima (UPM), atu nune’e sira bele utiliza hodi halo vizilansia ba tasi Timor.”
“Governu Japaun la’os oferese ro haat de’it maibé sei prepara mos ba manutensaun ba ro ne’ebé governu Japaun oferese atu nune’e hadia efeitu no kapasitasaun ba UPM.
“Ami fiar katak patrullamentu seguransa Maritima esensiál ba Timor-Leste nia prosperiedade no estabilidade, tanba fronteira marítima seguru ne’e importante tebes atu proteze soberania Nasionál no atu salva guarda no rekursu tasi nian ne’ebé varievu atu kombate atividade illegal sira, liliu peska illegal sira no garantia seguransa Maritima.”
Japaun no Timor-Leste iha historia kooperasaun iha setór seguransa ida ne’e no governu Japaun apoiu PNTL hodi fo formasaun atu detekta Peskas illegal sira iha iha tasi laran ro 4 iha nia dezempeña ho nia treinamentu fo vizilansia ba kosteira Timor-Leste.
Diretór Country JICA Timor-Leste, Fukumori Daisuke, hatete, JICA nia apresiasaun ba lideransa Komandu Jerál PNTL, kooperasaun ho polísia federal Australianu, kongratula ba kompromisu Timor-Leste, liliu ba parte integrante sira nia formulasaun susesu ba projetu ida-ne’e.
“Durante períodu implementasaun esbosu projetu nian JICA hein atu fornese ro 4 no ekipamentu relevante no ami sei haruka ami nia tékniku atu hala’o formasaun ba operasaun no jestaun relatóriu ro sira ne’e, ha’u fiar katak buat ne’ebé importante liu ba projetu ida ne’e mak envolvimentu no aprendizajen kontínua ida-idak nian atu hasa’e kapasidade institusionál operasaun ba jestaun efetivu iha baze lor-loron.”
hasa’e monitorizasaun seguransa atu kontribui signifikativamente atu rezolve di’ak liután, ba parte illegal atu promove liután inisiativa sira ekonomia governu nian.
Jornalista : Chay Risky