Loluwari Média (Dili) – Rezolusaun Konsellu Ministru (KM) aloka orsamentu ho montante 3.7 Milhões ba eventu jogu Comunidade Países da Língua Portuguesa (CPLP) ne’ebé Timor-Leste mak sai uma na’in ba eventu ne’e.
Koordenador Jerál jogu CPLP, Jorgé Soares Cristovão, hatete, rezolusaun Konsellu Ministru (KM) ne’ebé tau orsamentu hamutuk 3.7 milaun ne’ebé ho partisipasaun patrosinador no delegasaun na’in rua ne’ebé la partisipa iha eventu ne’e.
“Rezolusaun KM, orsamentu ne’ebé mak ita tau iha ne’ebá trêz pontu sete (3.7) mas prinsipiu, ita atu hatete de’it katak ho tan partisipasaun ita nia patrosinador sira nian ho tan delegasaun país rua ne’ebé mak la konsege mai ho ita nia ezersisiu sira ne’e hotu ita hatete katak ha’u la’ós de’it fiksa ona atu pronunsia de’it katak ita sei la gasta to’o trêz (3) Milhões”.
Entretantu orsamentu ida ne’e komisaun organizadora ba eventu jogu CPLP ida ne’e sei pronunsia ba públiku fali kona-ba orsamentu hira mak gasta ba eventu jogu CPLP ida ne’e.
“Depois ami sei atualiza fila fali ba ita bo’ot sira orsamentu hira maka komisaun organizadora utiliza ba jogu ida ne’e mais entretantu atu hatete de’it katak husi preparasaun ida ne’e to’o agora ita atu hatete katak 1.7 koloka iha ne’ebá mais ita atu dehan katak ita sei la gasta to’o trêz (3) milhõs”.
Jornalista : Anis