Loluwari Media (Lautém) – Komunidade sira husi suku serelau postu administrativu Lautém Munisípiu Lautem halibur osan kada ema $5.00 sosa sumenti hodi nahe ba estrada ne’ebé governu finje la haree.
Kontribuisaun ne’ebé komunidade sira tau hamutuk hodi deside hadia estrada ho emerjensia tanba grave ona fó impaktu ba komunidade sira nia viajen iha tempu udan.
“Horseik provijoriamente ha’u nia komunidade suku Serelau ne’ebe ke kontribui osan hamutuk $500.00 dolar ne’ebe ke ami aloka ba sumenti deit” Dehan xefe Suku Serelau, Zeremias Souza, ba loluwari.tl iha nia kna’ar fatin, domingu (07/12).
Tuir Nia,komunidade sira ne’ebe iha karreta sira tula de’it rai henek, no komunidade husi Mahina II sira apoiu orsamentu 200 dolar hodi hadia estrada.
Lider Komunitariu ne’e hatete, Komunidade suku Serelau no kompaña lokál sira iha inisiativa rasik hadia estrada tanba estrada refere kondisaun grave total hodi fo impaktu ba komunidade sira ne’ebe viajen ba mai munisipiu.
“Ida ne’e hanesan inisiativa entre ami membru konsellu suku servisu hamutuk ho komunidade no kompaña lokál sira hotu” dehan nia.
Tanba enkontru primeiru iha dia 9 de jullu fulan kotuk liu ba forma ekipa ida atu rekolla dadus atu halo kontribuisaun ba komunidade em Jerál tomak liu-liu sira ne’ebé iha transporte publiku no privadu inklui mós motorizada.
Enkontru segundu realiza iha dia 05 de dezembro foin lalais hafoin membru konsellu suku ho komunidade tomak deside atu chor estrada ne’ebe ke grave liu iha parte Wahukuru nian.
“ami chort ida ne’e ho tan besik sede suku nian,depois atu tama ba area Mahina 2 nian”dehan nia.
Nia dehan,kona-ba suku husi Mahina II, Baduro no Mahina I sira nia komunidade ne’ebe iha karreta fó kontribuisaun hanesan osan, sumenti no rai-henek hodi apoiu hadia estrada refere.
“Iha ne’e iha suku 3 liu-liu sira husi parte Mahina II hanesan iha Laikara sira mós apoiu ho osan uituan balun sumenti, depois ita nia komunidade husi Baduro ne’ebe ke iha karreta apoiu simenti balun tula rai-henek mai ho tan ita nia komunidade husi suku Mahina 1 asesu hela estrada hotu-hotu kontribui uituan-uituan”tenik nia.
Kontribuisaun ne’e komunidade rasik liu-liu suku Serelau ne’e komunidade em Jerál tomak sira hakarak hadia estrada ida ne’e atu nune’e fasilita sira nia movimentu hanesan atu transporta sira nia produtu lokal ba merkadu.
Karik bele asesu ho di’ak hanesan komunidade ne’ebe ke moras atu ba hospital sira bele asesu estrada ida ne’e ho diak, laiha kompaña no laiha ema bo’ot balun ke apoiu orsamentu la iha.
“maibe ida ne’e hau nia komunidade ho hau nia membru konsellu suku mak kontribui osan uituan-uituan hodi tau hamutuk atu halo aktividade ida ne’e”dehan nia.
Komunidade Husi Aldeia Queduloru suku Mahina II, Modesto Ximenes hatete,Estrada ne’e suku 3 mak asesu maibé kontinua aat tanba grave liu bainhira komunidade halao viajen ba munisipio ameasa sira nia vida.
Autoridade komunitariu sira la’os ho obrigatorio maibé see mak iha hanoin diak iha transporte motorista no kareta privadu sira see iha kbi’it kontribui $5.00 dolar se la iha $1.00 dolar ou $2.00 dolar bele halibur hamutuk hodi tula rai-henek hanesan simenti.
Enkuantu autoridade lokal husi suku 3 ne’e hato’o hela de’it proposta maibé to’o agora governu seidauk responde hodi hadia estrada.
“Hato’o bebeik ona mais dala-ruma governu seidauk iha kbi’it atu mai hadia tanba ne’e survey dala barak ona,ami sujere ba Ministériu kompetente oinsa para bele tau matan ba ami”dehan nia.
Jornalista : Alberto Pires
Editor : Herminio Cardoso