Loluwari Média (Aileu) – Falintil Forsa Defeza Timor-Leste (F-FDTL) ofisialmente inagura no entrega Uma dignu ba inan faluk Maria Pereira iha Aldeia Kota-Bauru, Suku Seloi Malere, Postu Administrativu Aileu Villa, Munisípiu Aileu.
Reprezentante Xefe Estadu Maiór Jenerál Falintil Forsa Defeza Timor-Leste (F-FDTL), Tenente Jenerál Domingos Raul “Falur Rate Laek”, Coronel Alberto dos Santos hatete, F-FDTL konstrui uma ba inan Faluk Maria ne’e, parte ida hosi planu no programa konstrusaun uma 5 ba família vulnerável sira iha ámbitu komemorasaun aniversáriu Transformasaun loron FALINTIL ba dala 50 iha Munisípiu Aileu.
“Ohin iha Munisípiu Aileu no Baucau ita inaugura “Uma Esperansa” ba Faluk Maria ne’e vizaun Forsa Armada modernu ne’ebé Forsa Defeza TL Labele haketak husi Seguransa humana ho ita nia povu.” Dehan ba jornalista sira iha Aileu, Domingo (01/02).
F-FDTL nia vokasaun ba servisu publiku iha tempu páz no obra sira-ne’e, harii ho kosar no kompeténsia téknika husi Militár sira nian no materiál apoiu husi indispensável husi Ministériu Defeza ne’e hatudu katak farda kamufladu mak símbolu protesaun no refújiu ba sira ne’ebé Vulneravel.
“Ita fó onra no atualiza iha ne’e valor sagradu sira husi Falintil nian, see uluk ita nia misaun mak atu liberta Rai doben Timor-Leste liu-husi kilat ohin loron ita nia misaun mós atu liberta ita nia maluk sidadaun sira husi Sosiédade no enjeneria Militár nia kontextu muda ona maibé Prinsipiu “Servi Povu” sai nafatin ita nia bussola moral.”dehan nia.
Nia dehan,Ida ne’e mak kooperasaun Sivil no Militár nia ezisténsia hodi halibur disipliña no kapasidade lojístika Forsa Armada nian ba nesesidade loloos populasaun nian hodi hametin lasu amizade ne’ebé labele kotu entre Populasaun no Instituisaun Defeza.
“Hau husu ba pesoál militár sira hotu ne’ebé hala’o servisu ida-ne’e ita bo’ot sira nia esforsu harii uma no hametin konfiansa ba instituisaun, ita sei kontinua servisu ho rigór no umanizmu hodi garante iha ita nia protesaun laiha ema ida mak ita husik hela ba kotuk Rai Doben onra no legalidade.”dehan nia.
Iha fatin hanesan, Prezidente Autoridade Munisipiu Aileu, João Bosco dos Santos hatete,, uma ne’ebé F-FDTL halo hanesan parte ida mós kontribui Governu lokál.
“Ita haree uma nee tama ho kualidade di’ak tebes ho osamentu konstrusaun Rihun $15 ne’e diak tebes,Ita sei hamutuk karik ba oin see bele halo tan iha tinan sira tuir mai”dehan nia.
Xefe Suku Seloi Malere Antonio dos Santos Loco, rekonese duni katak, durante ne’e inan faluk Maria hela iha uma ida ne’ebé harii desde 1999 ho kondisaun ne’ebé ladiak uma ne’ebé kanek aat no Ai-rin mós ladi’ak ona.
Nia dehan,Tuir Lolos ferik Maria merese atu hetan uma ne’ebé governu anterior halo ba ema kbiit sira ne’e grasa Deus F-FDTL bele harii ona uma ba nia.
“Maibé derepente mensajem balun ne’ebé hato’o husi Administradór postu no ekipa enjeneria F-FDTL katak, haree fatin ida ne’e no ekipa tun dok kedas ulun katak, fatin uma nee merese duni konstru uma foun.”dehan nia.
Benefisiaria Inan faluk Maria Pereira senti kontente tebes, tanba hetan uma ida ne’ebé dignu ne’ebé oferese husi Instituisaun F-FDTL.
hodi bele tulun nia hamahon aan iha uma refere, tanba durante tinan barak nia laran nia hela iha uma ida ne’ebé ho kondisaun udan ben tama no la seguru.
“Ha’u kontente haree uma kondisaun ne’ebé mai husi ita nia oan F-FDTL sira mak oferese”
Uma ne’ebé F-FDTL entrega,Faluk Maria ho nia beioan mak hela tanba nia laen mate desde tinan hirak ba kotuk no nia oan feto ida maibé jaran ba vizita nia.
Jornalista : Cesar Pires
Editór : Herminio Cardoso