Loluwari Média (Maliana) – Prezidénsia Repúblika, liu husi unidade Sosiedade Sivíl no Assuntu Sosiál, entrega kulsaun, sumasu no “Fronhas” ba Dormitóriu feminina Uma Esperansa, iha Aldeia Oplegul, Suku Holsa, Postu Administrativu Maliana Munisípiu Bobonaro.
Apoiu ne’e mai husi orientasaun direta Prezidente Repúblika, José Ramos-Horta, hafoin vizita ba orfanatu ne’e iha Semana Anterior, bainhira madre SSpS sira hato’o situasaun labarik sira ne’ebé toba seidauk ho kulsaun no sumasu ne’ebé adekuadu.
Tanba ne’e,Asesór Prezidénsia Repúblika, Quintiliano Moniz hatete, apoiu ne’e laos primeira vez, tanba antes ne’e Prezidénsia Repúblika mós halo ona konstrusaun uma ho sala han fatin no entrega mákina postura (Suku-Hena) ba Orfanatu refere.
“Apoiu ne’e mai husi Prezidente Repúblika José Ramos Horta nia konsiensia rasik, laos de’it apoia ba uma mahon Esperansa ne’e”Dehan Assesor Prezidénsia Repúblika, Quintiliano Moniz ba Jornalista iha Maliana, kuarta (04/02).
Maibé Nia dehan,ba mós orfanatu sira iha munispiu seluk, tanba Prezidente tau prioridade liu ba labarik sira ka familia ne’ebé Vulneravel.
Ba tinan ida ne’e,Nia haktuir, prezidente tau mós prioridade ida mós uma esperansa ida iha Munisipiu Baucau tanba labarik lubuk ida mk toba de’it iha rai,ne’e atu kompleta de’it servisu sosiál Governu nian.
Responsável Orfanatu Uma Esperansa husi madre Relijioza Kongregasaun “Servas do Espírito Santo” (SSPS),Aurelia Rosa da Costa hato’o agradesimentu ba Prezidénsia Repúblika ba apoiu ne’ebé ajuda sira.
“Hodi labarik sira nia naran ami hato’o Profundu Agradesimentu ba Prezidente Repúblika José Ramos Horta ne’ebé ho Laran luak, fó ona resposta ba ami nia pedidu ne’ebé ami hatama iha semana Anterior no ohin Ekipa bele tuun direta hodi lori materiál no ekipamentu ne’ebé ami husu.”dehan nia.
Iha serimónia simbólika entrega sasan, Sekretáriu Autoridade Munisípiu Bobonaro ba Asuntu Administrasaun no Finansas, Domingos da Costa, hato’o mos agradesimentu ba Prezidénsia Repúblika.
Nia husu atu apoiu hanesan ne’e laos de’it ba Orfanatu Uma Esperansa, maibé mós ba orfanatu sira seluk iha postu administrativu sira iha Munisípiu Bobonaro.
Sasan ne’ebé madre sira simu mak kulsaun no sumasu hamutuk 40, komplenta hokolsa kama nian.no iha buban ne’e mós Madre sira mós hato’o pedidu atu apoiu tan hanesan komputadór no sasan mobiliariu hanesan Meja no kadeira.
Atu bele loke kursu edukativu kona-ba informátika komputadór, no tuir planu 2026 sei loke tan kursu lian Portugues no Inglés ba labarik sira.
Entretantu Agora dadaun Orfanatu Uma Esperansa simu labarik nain 20, maioria mai husi família kbiit laek no enfrenta problema sosiál hanesan inan-aman divorsiu, trauma no inan-aman destiñu.
Jornalista : Cesar Pires
Editór : Herminio Cardoso