Loluwari Media (Dili) – Veteranus no mártires sira nia luta ba ukun rasik aan,Jovens foinsae sira presiza fó kontinénsia mútua respeita no hakruk ba sira hodi luta foun fali ba Dezenvolvimentu Timor-Leste nian.
Iha diskursu Xefe Estadu Presidente Republika José Ramos Horta hatete,presiza hakruk no fó homenajen fila-fali ba mártires sira ne’ebé Tinan 24 luta ba TL nia independensia.
“Ita hakruk homenajen ba mártires sira, ita hanoin fila-fali ba sira hotu-hotu ne’ebe tinan 24 nia laran ho difikuldade oioin maibé ho korajen aten brani disipliña iha nia fe rasik ba independensia Timor-Leste”Jose Ramos Horta, ba jornalista sira loron veteranos nian ba dala IX iha MACLN Comoro, (03/03).
Horta mós husu ba jovens sira atu halo tuir ezemplu ne’ebe mak durante veteranus sira luta ba ba rai ne’e.
“Jovens sidadaun timorenses aprende ba ho ezemplu imi nia avó, imi nia pai sira, sira ne’ebé tau interese públiku interese nasaun interese komunidade interese familia aas liu sira nia interese Pessoál “dehan nia.
Tuir Horta, TL gora infrenta luta foun, luta foun luta ba dezenvolvimentu bele defisil liu tan tanba oras ne’e TL sai ona membru plenu permante Asean nian ne’ebé tenke servisu makaas.
Tanba Asean TL tama ona nu’udar membru 11 membru maibé dezafiu ba oin nafatin buat sira ne’e eziji ema hotu atu hametin didi’ak disipliña institusionál.
“ita tenke kumpri lolos kumpromisus no halo reforma estruturais klean ne’ebé presiza hanesan uluk unidade organizasaun mak sai hanesan determina ita nian para bele hetan to’o realiza ita nia objetivu estratejiku”dehan nia.
Husi rezistensia ba konstrusaun sakrafisiu ba investimentu futuru hatudu veteranus sira hamriik nafatin iha liña frente iha dezenvolvimentu nasionál, promove poupansa rai osan ne’ebé presiza sustenta para finansia projetu foun.
Veteranus sira nia misaun la remata ho independensia tanba sira mak hanesan hamriik iha odamatan ba memoria istorika,sira mak hanesan uma rin ba estabilidade nasionál.
“imi mak ezemplu moris ne’ebé hatudu disipliña organizasaun unidade ho buat sira ne’e ita bele muda buat ne’ebé bele hanehan bele sai vitória, selebrasaun ida ne’e tenke hametin liu tan ita nia unidade nasionál”dehan nia.
Alende ne’e PR mós orgullu teb-tebes no sauda kapasidade transformadora nian tanba ho veteranos sira kria tan banku veteranos ho naran banku da nosa futuru.
“banku ita nia futuru, ne’e banku ida uluk liu mak harii ho kapitál privadu esklusivamente privadu timorense nian. Projetu ida ne’e hatudu hanesan tranzisaun husi luta armada ba luta ekonomika”dehan nian.
Jornalista : Alberto Pires
Editor : Herminio Cardoso