Loluwari Média (Atauro) – Palásiu Prezidensiál lori Embaixadór Non reziliénsia hamutuk na’in 17 vizita Illa Atauru hodi promove sítiu Turizmu Timor-Leste.
Reprezentante Prezidente Repúblika (PR), Adjunta Xefe Kaza Sivil Prezidénsia Repúblika, Henriqueta Maria da Silva hatete,inisiativa ne’e husi Prezidente Repúblika nian atu bele lori sira vizita Illa Atauru.
“Ita boot sira ohin akompaña sira mai ita lori sira hanesan turista, lori sira hanesan diplomata sira mai, sira bele fó mós osan ruma ba ita nia komunidade hahú kedas iha Ró laran rendimentu ruma”Dehan Henriqueta Maria da Silva ba jornslista sira iha Portu Atauro, Tersa (17/04).
Nia dehan,Vizita ida ne’e sira mai hanesan Embaixadór entaun automatikamente sira mai vizita sei sai mós ema ne’ebé sei promove Timor liu-liu illa Atauro.
“Ida ne’e ba iha fatin hotu-hotu ba iha sira nia rain, ita bele atarai turista sira iha futuru mai iha ita nia rain”dehan nia.
Tanba objetivu Prezidensia Repúblika lori Embaxadór sira mai iha Atauro atu promove illa Atauro ba ema internasionál sira liu-liu Embaxadór sira, tanba sira sai hanesan Embaxadór kada nasaun ida-idak nian.
“Ohin ita nia Embaxadór barak ne’ebé mai barak liu Embaixadór naun rezidente, entaun sira mai sira sei sai mós ema ne’ebé sei halo promosaun ba illa di’ak hanesan ho Atauro ne’ebé ho nia natureza ne’ebé di’ak, paisajen ida ne’ebé furak sei atrai turista sira iha futuru”dehan nia.
Tanba, iha tan klima ida ne’ebé di’ak, tanba iha hela fulan Marsu entaun ne’e momentu ida di’ak atu halo promosaun.
Tanba Sira mai haree illa Atauru ,tasi sira ho nia korál sira nia laran tomak, mai mós haree produtu lokál sira iha Atauro.
“Ohin mós sira haree Timor liu-liu Atauro nia tradisaun sira ne’ebé aprejenta ba sira, tradisaun simples ida ita kaer liman dansa hamutuk ne’e katak, promove Timor maske rai kiik maibé morin ba bebeik”dehan nia.
Nia haktuir, Embaxadór naun rezidente sira ne’ebé vizita mai illa Atauro ne’e hamutuk 17 durante loron ida iha Atauro.
Iha Sorin seluk Prezidente Autoridade Atauro, Mateus Belo hatete,ida ne’e preveleju boot ho vizita Embaixadór sira nia vizita ida ne’e signifikante tebe-tebes ba Atauro sai hanesan fatin distinatóriu turistiku.
La’os de’it Embaxadór sira ne’e mai, Maibé tanba kuaze fim de semana, vizita bainaka estranjeiru sira, turista sira barak tebe-tebes
“Maibé ho vizita ida ne’e liu-liu ba ita nia membru korpu diplomátiku mai husi rai li’ur, ha’u hanoin ida ne’e importante loos nune’e bele promove atividade turizmu iha Atauro ba mundu seluk ka nasaun seluk.”dehan nia.
Tanba hanesan informasaun primeiru ne’ebé autoridade simu mak luku tasi tanba Atauro koñesidu iha rekursu tasi ne’ebé riku tebe-tebes iha mundu.
Tanba Iha nasaun sira ne’ebé konsidera iha rekursu tasi hanesan ahu ruin ba tasi ikan oi-oin, ne’ebé kuaze turista barak mak gosta atu luku iha Atauro.
“Ita iha sítiu turistiku patrimoniu istóriku hanesan kadeia antigu, monumentu desteradu uma antigu postu ne’ebé vizitante sira mai sempre ba vizita.”dehan nia.
Ho lia grupu komunidade sira, ne’ebé hala’o atividade hanesan boneka, artezenatu sira, homan sira bele promove hanesan identidade Atauro nian.
Iha illa Atauro nia paisajen furak hanesan Akrema sai sítiu turistiku Atauro nian maibé ne’e dook tebe-tebes bainaka sira labele to’o iha ne’eba.
Jornslista : Cesar Pires
Editór : Herminio Cardoso