Loluwari Média (Atauro) – Komunidade sira iha Ila Atauro maioria vida peskadór no fatin Turizmu hodi bele sustenta sira nia moris lorloron nian.
Prezidente Autoridade Administrativa Atauro, Mateus Belo hatete, populasaun Atauro moris maiória vida peskadór, no mós agrikultór, inklui mós iha atividade sira seluk.
“Populasaun Atauro maiória vida peskadór no vida agrikultór, maibé ema komesa muda sira nia moris ba profisaun seluk.” dehan nia ba jornslista sira iha Portu Atauro, Tersa (17/04).
Nia haktuir,populasaun barak mós hala’o atividade turizmu nian, ne’ebé atividade peskas mós la’o nafatin, maibé iha mós atividade seluk.
Tanba atividade turizmu iha Atauro la’o maka’as entaun ema mós pozisaun dala-ruma muda ona, hala’o atividade negósiu sira.
Iha ilha Atauro ne’e halo atividade tarabandu ba área sira ne’ebé labele hasa’e no aumenta ikan ne’e sa’e maka’as, sira bele peska besik kedas iha fatin.
“Maibé, atividade tasi nian ne’e ita nia komunidade depende ba ema luku tasi mais agora iha ne’e servisu hanesan prepara turista sira bele aluga, ne’e mós hetan rendimentu aluga Ró ba bainaka sira.”dehan nia.
Totál populasaun hamutuk 12.545 abitantes, suku lima mak hanesan; Sucu Beloi, Sucu Bikeli, Sucu Makadadi, Sucu Makili no Sucu Villa Maumeta no populasaun Atauro maiória moris ho vida peskadór inklui Agrikultura no Tuirismu.
Jornslista : Cesar Pires
Editór : Herminio Cardoso