Loluwari Média (Díli) – Komisaun Funsaun Públika (sigla-portugés CFP) sei haree hela prosesu pagamentu ba funsionáriu termu sertu ne’ebé halo servisu iha instituisaun estadu.
Ministra Finansas Santina Viegas hatete, kona-ba saláriu termu sertu kada liña ministériu hamutuk ho komisaun funsaun públika mak haree hela asuntu ne’e hodi halo pagamentu ba funsionáriu sira.
“Ha’u hanoin pagamentu ba funsionario termu sertu ne’e komisaun funsaun públika mak koordena hela atu haree, liña ministériu ida-idak mak sei haree” dehan nia ba jornalista sira iha Palasiu Prezidensiál Bairo-Pite Díli, Segunda (13/04).
Nia informa,polítika governu nian orsamentu tenke mai husi Orsamentu Jerál Estadu (OGE), hanesan agora dadaun kona-ba dekretu lei foun númeru 3/2026 ne’ebé rasionaliza saláriu funsionáriu kontratatu tersu sertu iha administrasaun públiku.
Governu implementa dekretu lei foun ne’e atu halo ajustamentu saláriu hodi haree ba kualifikasaun akadémiku funsionáriu sira nian tuir ida-idak nia área servisu.
Aleinde ne’e,Konsellu Ministru mós fó orientasaun ba Ministra Finansas atu halo preparasaun orsamentu oins para atu bele rezolve krize mundiál ne’ebé mak mós mai TL.
Ezemplu ai-han nian, minitério agrikultura ho MKAE halo kordenasaun hela ba mina nian, Ministério Petróleo mós halo hela kordenasaun, tanba haree medidas sira ne’e mak governo presija halo.
“depois mak ami sei aprezenta orsamentu retifikativu ka alterasaun orsamentu ba parlamentu”dehan nia.
Kona-ba zekusaun orsamentu primeiru trimente,Ministra hatete, tinan-tinan primeiru trimestre ne’e ezekusaun sempre ki’ik,Komparasaun entre ezekusaun 2025 sempre ki’ik hanesan de’it husi 13%, 15% até 18% la to’o 25%.
Jornalista Estajiáriu : Arcângela dos Santos
Editór : Herminio Cardoso