Loluwari Média (Díli) – Enviadu Espesiál Governu Timor-Leste Asuntu Klimátika, Embaxadór Adão Barbosa, hala’o Sorumutu ho Prezidente da Repúblika José Ramos-Horta hodi relata kona-ba servisu klimátiku nian.
Iha sorumutu ne’e asuntu klimátiku no TL ne’ebé hetan fundu klimátiku husi fonte importante rua hanesan,Fundu Klimátiku Verde (GCF) no Projetu Fundu ba Menus Dezenvolvidu (LDCF).
“Ami ho ekipa halao enkontru espesiál ho Prezidente da Repúblika Jose Ramos Horta hodi koalia kona ba resultadu xave husi parte hotu-hotu ne’ebe hamahan-aan ba iha konvensaun Nasaun Unidas nian”dehan Nia ba Jornalista sira iha Palásiu Prezidensiál Nicolau Lobato, Bairru-Pite Dili,Kuarta (15/04)
Tanba iha tinan kotuk realiza konferensia ida, husi konferensia ne’e nia implikasaun balu konsege lori mai iha Timor-Leste atu implementa, iha desizaun konferensia ne’e fó mandatu ba TL atu lidera nasaun menus dezenvolvidu sira iha ONU nia okos hamutuk nasaun 44.
Nia dehan, alende relata servisu sira hotu, nia parte husu mós ba Xefe Estadu oinsa bele fó tan forsa polítika diplomasia kle’an liu oinsa lidera nasaun menus dezenvolvidu sira ba oin ho di’ak.
Nia hatutan, atu halo mundansa kona-ba dezenvolvimentu kombate klimátika, Timor-Leste sei esforsu maka’as hodi halo negosiasaun iha mundu globál atu bele hetan suporta barak liutan.
“Dalan ba oin Mak lori nasaun menus dezenvolvidu Sira nia naran Timor-Leste sei halo tan negosiasaun iha mundu globál atu nasaun dezenvolvidu sira ne’ebé mak komprimitidu atu fó orsamentu klimátiku ba nasaun menus dezenvolvidu sira no Illa ki’ik-oan sira ne’ebé mak foin hadi’a aan,” nia tenik.
Alende ne’e, iha loron 27 to’o 30 fulan Abríl sei iha enkontru ONU nian ne’ebé ko’alia kona-ba mudansa klimátika ne’ebé sei envolve direita husi Prezidente Repúblika José Ramos-Horta
Tanba iha nível enkontru ONU ba mudansa klimátikas sei envolve Prezidente Repúblika no MNEK, no membru Governu seluk ne’ebé sei halao Dili hamutuk ho nasaun 44 ne’ebé menus dezenvolvidu.
“enkontru nivel aas ne’e atu tau hanoin hamutuk oinsa bele lori hanoin sira ba defende iha negosiasaun klimátika ONU nian ne’ebé realiza fulan-Juñu iha nasaun Alemaiña”dehan nia.
Jornalista Estajiada : Ivonia dos santos
Editór : Herminio Cardoso