Loluwari Média (Viqueque) – Konselleiru Maxímu Partidu Kmanek Haburas Unidade Nasional Timor Oan (KHUNTO), José dos Santos “Naimori Bucar” fó tomada de pose ba estrutura foun militante Partidu Khunto hamutuk na’in 800 iha suku Uma Uain Kraik no Bahalara Uain aldeia Cailoi, Postu administrativu Viqueque Vila Munisipiu Vikeke.
Naimori Bucar hatete, tomada de posse ba estrutura foun ne’e hanesan sasukat forsa ida ba partidu KHUNTO nian atu bele kompete iha elisaun Prezidensiál no Eleisaun Parlamentár.
“Hau agradese no parabens ba sira ne’ebé ohin simu tomada de pose, sai sasukat forsa ida ne’ebé mak fó ho sira nia laran to’o iha liur atu nune’e iha loron ida bele hakat ba oin maibé ida ne’e la’os hodi tuur maibé atu servisu atu nune’e bele hetan rezultadu ne’ebé d’iak” dehan niaba jornalista sira iha Uma Uain Kraik, Domingu (18/04).
Nia informa, partidu Khunto hakarak promove joven sira atu tama iha estutura nune’e aprende politika hodi kontribui kria paz, dame no halo dezenvolvimentu ba nasaun.
“Ema hotu-hotu hanoin di’ak nia hakarak kontrinui ba rai ida ne’e maibé oportunidade mak seidauk to’o”dehan nia.
Tanba ida ne’e mak partidu KHUNTO hakarak promove proteza joven sira tenke tama iha estrutura para atu aprende politika ida ne’ebe di’ak hodi kontribui ba paz ho dame, kontribui ba dezenvolvimentu ba povu TL rasik.
Naimori hatutan, halo politika la’os atu fihir Ai-hun tuan maibé halo politika atu haree ema hotu-hotu, polítika ne’e sai to’os ida, to’os ida atu lere hamutuk mais to’os para atu tau ai-han iha ne’eba.
“Se karik ita kaer governu sai dapur ida ba povu TL maka tenke iha asaun ida iha planu ida para povu ne’e bele senti katak sira nia moris hanesan mos ema seluk”dehan nia.
Koordenadór Munisípiu Vikeke Partidu KHUNTO Jose Celestino reforsa, Munisípiu Vikeke iha suku 38 no estabelese ona estrutura iha suku hamutuk 36.
“Kona-ba planu servisu Munisípiu ninian aktividade katak ami Munisípiu Viqueque iha hamutuk suku 38 maibé uza 38 ne’e ita estabelese ona ita nia estrutura partidu Khunto hamutuk 36 falta suku 2 mak seidauk estabelese tanba suku rua ne’e suku foun maka suku Builo ho suku Bibileo”dehan nia.
Tanba tempu to’o ona Viqueque oan sira tenke hamutuk atu bele haforsa liu tan unidade nasionál nune’e bele kria dezenvolvimentu ne’ebé sei futuru oin mai.
Jornalista : Alberto Pires
Editor : Herminio Cardoso