Loluwari Média (Díli) – Sidadaun Indonézia hamutuk na’in 32 ne’ebé halo peska ilegál iha Tasi Timor parte Sul ne’ebé Autoridade Seguransa Polísia Nasionál Timor-Leste liu-husi Unidade Polísia Marítima (UPM) kaptura asegura ona prizaun Bekora Dili.
Hafoin kaptura, Komandante Unidade Polísia Marítima (UPM), Superintendente Xefe Polísia Eugenio Pereira ho nia ekipa UPM halo koordenasaun ho komandu Munisípiu Lautém hodi lori ba aprezenta iha Ministériu públiku hodi promove iha Tribunál Baucau.
“Primeiru interigatóriu la’o horseik (domingo) Iha prosesu tuir mai ne’e tribunál sei hatun despaisu ba komandu Munisípiu Lautem para atu suspeitu sira hamutuk 32 pesoas ne’e asegura hela iha prizaun bekora para hodi haree ninia kontinuasaun”dehan nia ba jornalista sira iha Komandu Jerál PNTL Kaikoli Díli, Segunda (20/04).
Razaun ne’ebé fundamentu ba kompeténsia UPM nia atu atua no iha atuasaun ne’ebé mak UPM atua no asegura objetu krimi mak hanesan Ró, no mós suspeitu sira ne’ebé mak envolve iha atividade ilísitus sira ne’e.
Sidadaun sira ne’e hahú halo atividades ilísitus iha loron 13/04 tinan ne’e liu ba no Bainhira UPM simu informasaun, ekipa desloka kedas to’o fatin hodi kaptura sira iha loron 16/04 iha óras 18:00.
UPM hakarak atu klareza tan katak, razaun ba iha atuasaun liga ba sira ninia atividade ilísitus ne’ebé mak iha ka peska ilegál,lokaliza iha ninia kordenada ho ninia distánsia 7 minez husi rai maran ka ho ninia baze ba iha zona
“ita asegura kedas objetu no suspeitu hodi lori mai iha parte área vizilánsia postu Com ninian iha postu vizilánsia Com, iha ne’eba iha loron 17/04 oras haleu ba tuku 06:00 madrugada sira to’o iha fatin ne’ebé mak ami lokaliza hanesan fatin ba iha seguransa nian”dehan nia.
Tanba ne’e sidadaun na’in 32 ne’e oras ne’e kumpri hela prizaun preventiva tanba Prosesu julgamentu kontinua sei realiza iha loron sexta-feira loron 24/04, ne’ebé sei halao iha tribunál Baucau.
Alende ne’e autoridade UPM mós koordena ona ho embaixada indonézia no migrasaun.
“Ami halo ona kontaktu ho ninia embaixada liu-liu parte imigrasaun nian no ami mós aprezenta ona lista sira ne’ebé mak pertenente ho suspeitu sira ne’ebé mak envolve ami entrega ona.”
Prosesu téknika UPM kontinua halo koordenasaun ho parte Ministériu Públiku tantu mós ho parte investigasaun para oinsá atu haree nia transportasaun ba iha ró ne’ebé mak sai hanesan objetu hodi lori mai Díli.
Entrerantu UPM nia Operasionalmente iha ró ualu (8) ne’ebé mak daudaun ne’e hala’o hela atividades espesifikamente ba iha atividades operasaun ne’ebé envolve rekursus hanesan ró hamutuk ho postu Com ninian.
Tantu apoiu mós ho ró lusitária ne’ebé mak UPM koloka hanesan apoiu ba lojistik ba iha UPM nia ró patroliamentu nian, entaun iha sira nia atividades kuaze iha ekipa rua(2) ne’ebé mak iha relansa patroliamentu.
Jornalista Estajiada : Arcângela dos Santos
Editór : Herminio Cardoso