Loluwari Média (Díli) – Unidade Polísia Marítima (UPM) simu karta despaisu autorizasaun husi Ministériu Públiku hodi fa’an ikan husi peska ilegál ne’ebé sidadaun Indonézia na’in 32 nauk iha illa Tasi Timor Parte sul no osan sei hatama hotu kofre estadu.
Komandante UPM Superintendente Xefe Polísia Eugenio Pereira hatete, ikan tonelada 9 husi peska ilegál ne’e fa’an ona ba komunidade sira husi Munisípiu Lautém tanba balun hahú iis ona.
“Ikan sira ne’ebé peskadór ilegál sira foti ita prevene atu nune’e ita labele estraga tanba husi sira nia provas ne’ebé ita haree ho situasaun balun bainhira tripulante sira tuun husi ró sira la konsege halo moris jeradór Jelera nian entaun ikan sira iha jeleira iha ona indikasaun no iis dadaun ona sai ameasa ba ita nia objetu ne’e rasik”dehan nia ba jornalista sira iha Kuartel jerál PNTL Caicoli Díli, Segunda (27/04).
Nia haktuir, Komandu UPM ho nia efetivu iha postu Com ho komandu Munisípiu Lautém inklui komandu Investigativu Munisípiu Lautém aprezenta ba MP ho prosesu sira ne’e oinsa halo promosaun ba iha Tribunál no hein Tribunál atu deside nia Preventiva ba objetu ne’e atu labele estragus.
“Ikan sira ne’e ita fa’an ba komunidade sira ho nia orsamnetu ita lori ba kofre estadu tanba momentu ne’eba ita venda loron 3 ne’e komunidade sosa hotu kedas”dehan nia.
Alende ne’e UPM simu sespaixu husi Tribunál Primeira Instansia Baucau husu ba UPM atu bele lori Ró ne’ebé kategoria sai objetu ou halao aktividade ilegál tanba ne’e UPM lori Ró peska ilegál ne’e sai husi Lautém loron sabado no Domingo dader hafoin too mai Díli.
“Agora dadaun ró peska ilegál para iha Kuartel Unidade Polísia Marítima nia oin no ami asegura nafatin, ami hein desizaun husi Tribunál tanba evidensia Ró inklui evidensia sira seluk mak hanesan rede no materiál peskas balun no mós Ró rejerva balun ne’ebé mak iha ró laran”dehan nia.
Tanba husi parte investigasaun husi Munisípiu Lautém halo ona rejistrasaun ba evidensia sira iha Ró laran para sai hanesan evidénsia no dadus hodi aprezenta ba Tribunál.
“Ita nia Primeiru Interigatóriu ba Ró peska ilegál lao nafatin iha Tribunál Baucau ita hein desizaun”dehan nia.
UPM indentifika no momentu halo kedas atuasaun tanba momentu sira halo peska no soe redi iha tasi tanba Ró refere nia pozisaun 7 ate 8 netikal mait bainhira UPM hetan sira book aan ona atu ses aan husi UPM maibé Efetivu UPM konsege kaer duni.
Jornalista : Cesar Pires
Editór : Herminio Cardoso