Loluwari Média (Díli) – Polísia Nasionál Timor-Leste (PNTL) liu-hosi Diresaun Servisu Investigasaun Kriminál Nasionál (DSIKN) horseik Halo Operasaun mais ou menus tuku 7 dader too tuku 2 madrugada hafoin asegura Sidadaun Estranjeiru na’in 5.
Xefe Operasaun Servisu Investigasaun Kriminál Nasionál (DSIKN), Superintendente Assistente Polísia, Mouzinho Correia, Hatete, Relasiona Buska Aprensaun no Detensaun ne’ebé DSIKN halao iha loron 27/04/2026 ba kazu atividade trafiku Droga iha rai laran.
“Husi Operasaun ida ne’e ami konsege detekta kazu droga oin rua (2) ho ema lahanesan, Dadersan ami halo detensaun ba Sidadaun Estranjeiru na’in 4 kompostu husi mane na’in 2 no feto na’in 2 no sira na’in 4 ita identifika no halo detensaun tanba sira konsumu hela ho Droga no kazu ita rejista iha Ministériu públiku (MP).” Dehan Xefe Operasaun Servisu Investigasaun Kriminál Nasionál (DSIKN), Superintendente Assistente Polísia, Mouzinho Correia, ba jornalista sira iha Komandu Jerál PNTL Kaikoli, kuarta (29/04).
Xefe Operasaun Dehan iha parte loraik DSIKN identifika Droga balun no halo operasaun imediata no detekta Sidadaun Estranjeiru mane ida, tanba komete halo trafiku ilísitus Droga iha rai laran.
“Tanba kazu rua ne’ebé Lahanesan ho suspeitu ne’ebé Lahanesan Sidadaun ne’e origen mai husi ita nia nasaun Vizinu Indonézia no Sidadaun seluk husi Nasaun Xineza kazu rua ne’e ita entrega ona iha MP no ita hein loron ida ka rua ita hein para ba submete iha primeiru interogatóriu.”
“Tipu Droga ne’ebé iha depois, ita halo ezame ba Droga sira ne’e ho tipu (Fentamil) ne’e Droga ida ne’ebé laos foun maibé ho nia klasifikasaun numeru um (1) tuir ita nia lei numeru 2/2017 kona-ba Droga Timor-Leste nian.”
Droga ne’e perigu teb-tebes bainhira ema konsumu tanba nia miligrama ida bele oho ema barak bainhira sira konsumu liu nia dosis ne’ebé iha tanba ne’e Presiza atensaun ba Sidadaun liu-liu jovens sira.
“Mai husu ba Sidadaun Timor-Leste liu-liu Jovens sira katak agora daudaun Droga sira ne’e balun komesa tama ona rai laran presiza kuidadu no evita hodi involve ba kazu droga ne’ebé ho klasifikasaun boot tebes.”
Husi Droga ne’ebé Autoridade Seguransa PNTL hetan ne’e Suspeitu sira halo transaksaun tanba ne’e PNTL halo intervensaun imediata no halo detensaun ba suspeitu sira no rekolla provas sira, bainhira Polísia halo detensaun imediata transaksaun Droga lao hela kada grama ida ho folin $ 250 dólares Americano.
“Ho Droga sira ne’e ita bele dehan ita nia rain sai trafiku Droga tanba Droga nia folin iha Timor-Leste Dar Marketing ne’e $ 250 kada miligrama signifika fo esperansa ba autor sira bele utiliza ita nia rain sai fatin destinadu ba Droga no folin Droga as liu iha regiaun ida ne’e tanba ne’e Timor-Leste sai fatin tranzitu ba fan Droga Ho frazilidade ne’ebé ita iha no uza ita nia rain bele sai fatin tranzitu ba merkadu Droga.”
Droga ne’ebé PNTL Buska no detein ne’e nia kuantidade ne’e kiik maibé pozitivu. tanba Sidadaun Estranjeiru sira ne’e konsumu hela no utiliza agua ho pipet ne’ebé sira uza hodi supa ho tan gas (eskeru) ne’ebé sira utiliza PNTL asegura hotu ona.
Jornalista : Cesar Pires
Editor : Hermínio Cardoso