Loluwari Média (Díli) – Polísia Nasionál Timor-Leste (PNTL), Liu-husi Diresaun Servisu Investigasaun Kriminál Nasionál (DSIKN) Halo Detensaun 72 oras ba Sidadaun Timor oan Feto ida ne’ebé halo falsifikasaun dokumentus veteranus nian bazeia Mandadu Tribunál.
Xefe Operasaun Servisu Investigasaun Kriminál Nasionál (DSIKN), Superintendente Assistente Polísia, Mouzinho Correia, Hatete, Deskonfia Sidadaun Feto ida halo falsifikasaun dokumentus veteranus nian hodi hatama iha Ministériu Combatentes Libertasaun Nasionál (MACLAN) ne’ebé agora prosesu la’o hela, espera katak iha tempu badak sei aprezenta ba Primeiru Interigatóriu.
“Ita nia Sidadaun Timor-oan ho inisial PPDS ne’ebé Deskonfia falsifika dokumentus liu-liu kona-ba ninia dedikasaun ho eskluzivu nian, no falsifikasaun ida ne’e mak hodi simu osan veteranus nian, entaun depois komisaun identifika katak ida ne’e dadus falsu entaun hato’o keisa partisipasaun ba iha ministériu públiku no hein mandadu sai, ne’ebé ohin ami parte DSIKN ba asegura ona iha MCLAN Beto Díli, Kuarta (30/04).
Mouzinho dehan iha keisa husi autoridade balu tanba ne’e Autoridade Seguransa Polísia Nasionál Timor-Leste bazeia tribunal nia mandadu halo detensaun ba sidadaun feto ne’e ba 72 oras hafoin enkamina MP.
“Naturalmente ita bazeia mandadu Tribunál ita tenke detein suspeitu ba 72 hodi halao nia prosesu ba oin bainhira ita boot sira lembra tinan hira liuba ita identifika hotel balu, ba hotu tribunal ita identifika ona espera katak prosesu kuandu lao ita sei identifika taan hodi submete ba iha justisa.”
“Osan ne’ebé Suspeitu prosesa sei iha prosesu nia laran tamba ne’e ita seidauk bele hateten sai iha ne’e sese nian, maibe hakarak hateten de’it katak nia sai arguidu ba falsifikasaun dokumentus veteranus nian tanba ne’e ohin ita halo detensaun ba nia 72 oras.”
Jornalista : Cesar Pires/ Quintão dos Santos
Editor : Herminio Cardoso