Loluwari Média (Díli) – Komandu Jerál Polísia Nasionál Timor-Leste (PNTL) Afonso dos Santos ameasa sei hasai husi membru Unidade Polísia Marítima (UPM) ne’ebé karik komete iha feen rua-tolu iha instituisaun PNTL laran.
Komandu Jerál Afonso dos Santos, hato’o asuntu ne’e hafoin parstipa seremónia simu Ró unidade 5 ne’ebé Kompañia Nibre entrega ba UPM iha Lesidere.
“Ha’u husu imi (UPM), haree imi nia família, ha’u lakohi membru ida iha feen rua tolu, ha’u sei hasai imi husi Instituisaun PNTL ida ne’e, tanba jerasaun foun atu kumpri lei no orden”dehan Komandu Jerál PNTL Afonso dos Santos iha Unidade Polísia Marítima Lesidere Díli, Sesta (15/05).
Tanba ne’e husu ba Komandante Unidade Polísia Marítima atu kontrola Ró 5 ne’ebé Kompañia entrega tenke kuidadu no evita membru sira labele utiliza hodi tula família.
“Bainhira Ró ne’ebé ohin Entrega imi laiha responsabilidade mak ha’u sei foti medidas urgente laiha membru UPM ida lori sasan estadu ba tula família ne’e Komandu la autoriza ha’u husu ba komandante Postu sira atu kontrola didi’ak Ró sira ne’e”dehan nia.
Tanba ne’e husu ba membru UPM hotu-hotu servisu ho profissionál se mak indisiplinadu sei la tolera no membru ne’ebé mak komete krime iha UPM sei la tolera.
Komandante UMP Superintendente Xefe Polísia, Eugenio Pereira, hatete, Kompañia Nibri lori Ró Rapida 5 ne’ebé to’o ona TL hodi apoiu servisu UPM nian.
“Ita nia parseiru Australianu sira mak apoiu makina Ró Speed 5 mai ita ho nia CC 250 ne’e ita iha planu atu halo kolokasaun ba iha Postu UPM Kovalima,RAEOA, Postu Vizilánsia Com Munisípiu Lautém, Atauro nian”dehan nia.
Kolokasaun Ró ne’e atu fasilita servisu Membru UPM ne’ebé destaka iha Pontu Vizilánsia sira bele utiliza hodi halo Patroillamentu rutina ba iha Jona Marítima nian.
Tanba ne’e,futuru UPM sei installa Postu Vizilánsia iha Munisípiu Lautém Postu Administrativu Lore, no mós sei installa Postu Vizilánsia iha Munisípiu Baukau Postu Administrativu Laga área Mulia no mós Munisípiu Viqueque Area Beasu.
Hodi kontrola ba iha Movimentu aktividade ilisitu sira iha Kosta Sul nian tanba iha ne’eba área potentiál ba ilisitu sira tanba ne’e ba futuru UPM bele kontrola TL nia zona marítima sira.
Enkuantu Diretór Kompañia Nibre Luiz Alves hatete,Kompañia entrega Ró Speed 5 ba PNTL liu-hosi UPM atu bele utiliza hodi halao nia misaun iha via Marítima nian.
“Ami garante nia kualidade no Speed ne’ebé di’ak atu kontrola ita nia Marítima tanba ami uluk Entrega ida ba UPM ate agora sei utiliza hodi kontrola ita nia Marítima,Ró Speed 5 ne’e ho total osan rihun $ 174 “dehan nia.
Jornalista : Cesar Pires
Editór : Herminio Cardoso