Loluwari Média (Díli) – Povu Timor-Leste livre no kompleta ninia Restaurasaun Independénsia ba dala-24 ne’ebé presiza tenke kria páz no unidade iha sosiedade.
Livre Tinan 24,hafoin luta 24 anos mós ne’ebé povu tomak liu-liu jovens sira presiza kria unidade hodi bele festeza hamutuk ba loron espesiál ne’e ho kontente.
Tanba ne’e,Komandante Munisípiu Díli (KMD), Komisariu Assistente Polísia Orlando Gomes apela ba jovens potensial no intelektuál sira liu-liu joven rezisténsia no mós hotu-hotu atu kria páz atu festa ne’e lao ho susesu.
“Loron Restaurasaun da Independénsia ba dala-24 ne’e ita nia loron loron povu Timor-Leste nian tanba ne’e mai ita hamutuk lolo liman hamutuk atu nune’e ita nia seguransa bele lao ho di’ak ha’u fiar katak ita nia loron bo’ot 20 de Maiu ne’e sei lao di’ak to’o termina”dehan nia ba Jornalista sira iha Eskuadra Dom Aleixo Aimutin Díli, Segunda (18/05).
Nia dehan,hanesan Autoridade Seguransa PNTL liu-husi komandu Munisípiu Díli sei servisu maka’as hodi garantia seguransa ba Loron 20 de Maiu Restaurasaun da Independénsia ba dala-24.
“Ami simu ona ordem husi komandu Jerál PNTL ne’ebé komandu Munisípiu Díli iha ona preparasaun maximu ba loron bo’ot 20 Maiu ne’e ami sei garante seguransa sei lao ho di’ak se de’it mak perturba orden publiku mak ami sei la tolera”dehan nia.
Antes ne’e,komandu Munisípiu Díli ho nia membru sira halo dialogu ho Estudante eskola Sekundária sira no mós ho komunidade sira iha kapitál Díli para atu bele garantia seguransa situasaun iha kapitál dili molok komemora Restaurasaun da Independénsia ne’e.
“Ami halo Patroillamentu lao ain tama sai bairu sira atu garantia seguransa iha kapitál Díli”
Seguransa ne’e sei envolve mós husi Unidade Espesiál Polísia (UEP) Unidade Polísia Marítima (UPM) Unidade Patroillamentu Fronteira (UPF), husi Unidade sira apoiu komandu Munisípiu Díli atu garantia seguransa.
Jornalista : Cesar Pires
Editór : Herminio Cardoso