Loluwari Média (Lautém) – Jogu Desportivu futsál husi ba Tinan 2026 husi Postu Administrativu Lautém Munisípiu Lautém ne’ebé sai vensedór mak suku Daudere.
Presidente komisaun organizadora Acasio da Costa hatete, ekipa suku Daudere primeiru lugar, segundu lugar Suku Mahina I Porlamanu, terceiru lugar suku Baduro
“Ba manan na’in sira futsál mane primeiru lugar ekipa husi suku Daudere, segundu lugar, ekipa husi suku Mahina I Porlamanu, terceiru lugar monu ba suku Baduro,” Dehan presidente komisaun organizadora Acasio ba Loluwari.tl iha suku Pairara tersa (20/05).
Nia dehan, ekipa ne’ebé hetan primeiru lugar, segundu lugar no terceiru lugar ne’e hetan de’it prémiu husi MJDAC tanba MJDAC apoiu orsamentu $3.500 dolar amerikanu.
Primeiru lugar hetan $250, segundu lugar $ 200 dolar no terceiru lugar $150 dolar ba futsal mane, no ba Volibál ba mane no feto primeiru lugar $200 dolar, segundu lugar $150 dolar, terseiru lugar $100 dolar.
Kona-ba modalidade tradisionál no modalidade tiru kalik simu hotu orsamentu ne’ebé komisaun organizadora prepara.
Dada tali, primeiru lugar $200 dolar, segundu lugar $150 dolar no terseiru lugar $100 dolar ba modalidade tradisionál kalik primeiru lugar hetan $55 dolar segundu lugar $50 dolar no terseiru lugar hetan $30 dolar.
“Jogu hahú husi inísiu to’o fim, ba parte komisaun no kada ekipa sira dala-ruma iha falla maibé ami kontinua aproxima ba malu hodi jogu ne’e kontinua lao to’o fim ho rezultadu ne’ebé di’ak no durante jogu laiha problema ida mosu iha kampu laran” dehan nia.
Jornalista : Alberto Pires
Editor : Herminio Cardoso