Loluwari Média (Díli) – Hela Loron tolu Copa Mundiál jogu futeból FIFA word taxa 2026 hahú abertura ona, adeptus sira husi nasaun ne’ebé sira gosta ida-idak komesa defende no iha konfiansa boot atu sai vensdór.
Copa Mundiál ne’e sei harame liután adeptus sira,no oras ne’e Bandeira ne’ebé fa’an iha dalan ninin fatin públiku iha sidade Dili mós folin tebes.
Efania Daniela Mendonça nu’udar vendedór ne’ebé fa’an Bandeira iha dalan ninin hetan lukru maka’as tanba adeptus sira barak mak sosa iha kada loron ne’ebé bele hetan to’o $25 dolar.
Bandeira ne’ebé nia fa’an iha kiik no boot ho presu ne’ebé diferente,ho ida kiik presu $0.50 sentavus, no boot balun $3.00 to’o $5.00.
Adeptus PORTUGAL Ignacio Loyola Cardoso, fiar tanba Tinan ne’e Nasaun Portugál hakarak ka lakohi tenke sai vensedór ba taxa Copa Mundial 2026.
Tanba Tuir Nia haree, husi portugál nia jogu defeza, mediu, mai to’o estraiker joga ne’ebé mak ema ne’ebé iha esperensia mai to’o kopa mundiál.
Fanis Soares ne’ebé fa’an Bandeira kada Loron hetan rendimentu di’ak tanba adeptus ida-idak mai ho nia nasaun favóritu halo sira mós bele hetan rendimentu.
Tanba Bandeira ne’ebé adeptus sira sosa maioria husi Nasaun Portugál, Argentina no nasaun sira seluk ne’ebé mós ladun.
Iha mós Adeptus Brazil Danilo Menezes Alves fiar an katak Brazíl sei sai vensedór ba Copa Mundial 2026.
hateten, Tuir Nia Hanoin nasaun ne’ebé mak sai manan nain ba iha Copa mundial 2026 nian maka nasaun Brazil.
“Ha’u hili nasaun Brazil tanba jogu diak hanesan jogador Neymar jr nia sai hanesan kapitaun ida no inspirasaun di’ak ba nia ekipa” dehan nia ba Jornalista Loluwari.tl sesta-feira (05/06).
Nia dehan, Brazil nia jogadór mesak didi’ak ne’ebé joga iha Club boboot hanesan joga iha Liga Eropa, Laliga, Liga Inggris, Bundesliga, liga France, ne’ebé sira Foin Lalais hetan juara.
Iha liga Champion lidera husi Kapitaun Marquinhos ho sira nia preparasaun materia di’ak tebes, no sira mai Ho mindset hakarak juara tanba ne’e jogu ikus Ona ba Neymar.jr ho nune’e sira tenke Hetan juara iha Tinan ida ne’e.
Adeptus Argentina Girildo de Deus Martins mós defende ninia nasaun Favóritu Argertina ne’ebé iha posibilidade boot atu sai kampeaun iha Tinan ne’e.
“Sim nasaun ne’ebé ha’u fiar no ha’u fiar katak se’i sai vensedor duni iha taxa mundiál 2026 nia mak nasaun Argentina” dehan nia.
Tanba haree hmós husi esperensia barak ne’ebe maka Argentina iha liu-liu jogadór barak mak iha esperensia kompete iha copa mundiál ida ne’e, iha ona evidénsia no iha possibilidade jogu ne’e sei mantein ho ninia sistema ou ninia tátika hanesan iha 2022.
“Ida tan mak hare ba istoria durante tinan barak copa mundial kuandu hahú jogu iha kontinente amerika barak liu mak husi nasaun Amerika latin sira mak hi’it”
Adeputus husi Spain Tiago Pascoal Soares hatete Spain mak sei sai vendedór ba tinan Ida ne’e tanba haree ba sira nia perfome iha nasaun mós di’ak no iha Club mós diak.
“Ha’u fiar tanba husi kiik kedas to’o boot ha’u fans mak Spain no hau fiar tanba husi pemain Spain ne’e sira nia jogu no skil mesak didi’ak de’it””
Ade France Patriçio Pereira Andrade nia mós garante France mak sei vendedór tanba nia laiha dúvida no iha konfiansa boot atu France tenke sai vendedór.
Tanba haree jogadór sira hosi nasaun France nian, sira na’in-hira ne’ebé mak iha liga hira liu ba, sira mak domina hela iha liga sira-ne’e hahú Iha liña avansadu, ne’ebé mak di’ak tebes.
“ita bele dehan katak nia esforsu maka’as tebes no to’o agora nia nafatin esforsu,Ho razaun sira ne’e hotu mák hau fiar tebes katak, kona-ba tasa 2026 ne’e France mák sei sai vensedór ba tasa ne’e”dehan nia.
Adirson Monteiro adeptus ida husi Nsaun Jerman katak ninia Nasaun Favóritu Jerman mak sei sai vensedór ba taxa 2026 nian
Ekipa Kobertura
Editór : Herminio Cardoso