Loluwari Média (Díli) – Ministériu Interiór (MI) fó orientasaun ba Polísia Nasionál Timor-Leste (PNTL) atu halo Patroillamentu hodi bandu adeptus jogu mundiál Futeból atu labele barullu tanba estadu Timor-Leste lutu durante semana ida ba falesimentu saudozu Francisco Guterres “Lu-Ulo”.
Ministru Interior (MI), Francisco Guterres, orienta ona Polísia Nasionál Timor-Leste (PNTL) atu halo Patroillamentu ba adeptus sira ne’ebé sempre baruillu iha fatin-fatin tanba oras ne’e TL sei lutu metan durante semana ida.
“Ha’u sei haruka Polísia Nasionál Timor-Leste halo Patroillamentu no operasaun ba adeptus sira hotu atu bele hakmatek iha ida-idak nia fatin tanba ita semana ida lutu metan hafoin ita nia Eis-Prezidente Repúblika, Francisco Guterres Lú-Olo, hakotu nia Jornada moris iha Malaysia.” Dehan Ministru Interinu (MI), Francisco Guterres ba jornalista sira iha Ministériu Finansas Aitarak laran Díli, Segunda (22/06).
Nia dehan, TL lakon nia heroi boot ida ne’ebé dedika nia aan tomak ba rai ida ne’e hodi hetan nia libertasaun nasionál tanba ne’e husu ba Jovens sira liu-liu povu TL atu lutu ba Saudozu Francisco Guterres Lú-Olo nia mate kuaze semana ida.
Tanba ne’e husu ba adeptus sira iha Timor-Leste atu hotu-hotu hakruk ba Saudozu nia mate no MI sei haruka PNTL atu kontrolu ba fatin-fatin atu nune’e adeptus labele barruillu iha tempu ida ne’e.
MI husu ba Jovens sira bele nonton bola iha ida-idak nia fatin maibé labele baruillu no haklalak no gas motór hanesan loron babain, no husu mós ba ema hotu iha semana ida ne’e nia laran labele halo festa toka muzika, no ba Motorista liu-liu Mikrolet sira atu tau muzika ho lian kiik tanba TL lutu metan hela.
“Ami husu ba Jovens sira atu lutu metan ba loron 7 tanba ne’e autoridade Segunda PNTL sei hare mós (Layar) boot sira ne’ebé iha fatin publiku sei taka provizóriu semana ida hafoin loke fila-fali.”
Komandante Operasaun PNTL Munisípiu Díli Superintendente Assistente Luis Amaral Dehan, Komandu Munisípiu Díli prontu simu orientasaun husi Governu atu halo Patroillamentu ba Adeptus sira bainhira halo barullu iha fatin-fatin.
“Ami autoridade Polísia Nasionál Timor-Leste, prontu halo Patroillamentu no operasaun ba Adeptus sira Bainhira Governu deside Timor-Leste lutu metan kuaze semana ida nia laran”
Tanba ne’e, PNTL husu ba Jovens bele nonton bola iha ida-idak nia uma maibé keta baruillu no gas motór tanba PNTL sei la tolera tanba TL lakon nia lider di’ak ida ne’ebé sei lutu metan kuaze semana ida nia laran.
Jornalista : Cesar Pires
Editór : Herminio Cardoso