Loluwari Média (Covalima) – Prezidente Repúblika (PR), José Ramos-Horta, halo lansamentu ba kompetisaun kurida kuda, jogu tradisionál dada tali Feto-mane, no futu manu ne’ebé partisipa bainaka husi Nusa Tengara Timur (NTT) iha postu administrativu Suai Villa, munisípiu Covalima.
“Ha’u mak aloka orsamentu ba kompetisaun kurida kuda no mós ba jogu tradisionál sira seluk mak dada tali feto mane nomos futu manu. Iha kompetisaun kurrida kuda ne’e hetan partisipasaun husi Timor oan no mos ita nia viziñu husi NTT no rejultadu ikus ita nia maluk husi NTT ho naran Hosana Dewa sai primeiru lugar ba Klase B no C nian ha’u nia parabéns ba ita nia maluk husi NTT sira hotu-hotu.” Dehan Prezidente Repúblika (PR), José Ramos-Horta, ba jornalista sira, hafoin abertura ba kompetisaun kurrida kuda iha Suai Loro, sexta (28/03).
Munisípiu Covalima sira kuidadu kuda no prezerva kuda hodi prepara mos ba kompetisaun kada tinan iha munisípiu Covalima no mos sira bele ba halo kompetisaun iha NTT tanba ne’e parte ida husi kultura Covalima, no mos kultura nasionál Timor nian. Horta afirma.
“Ha’u sei apoiu makaas liu tan ba Covalima oan sira atu hakiak kuda Timor, ne’e atu sai famozu. Tanba iha Austrália filme ida livru kuda Timor, ne’e tama iha sira nia lenjenda tanba ne’e mak ha’u sei ko’alia ho governu nune’e kompetisaun kurrida kuda ne’e kada tinan halo dala rua, no ita sei konvida mos ita nia maluk husi NTT Bali no Australia atu lori sira nia kuda mai hodi tuir kompetisaun ne’e.”
Iha kompetisaun kurrida kuda ba klase internasionál manan na’in dahuluk husi nasaun viziñu ho naran Hosana Dewa ne’ebé hetan premiu ho osan $ 700.00 segundu lugar husi Timor Leste $ 450.00 no terseiru lugár $ 350.00
Kompetisaun kurrida kuda ho nivél lokal, manan na’in dahuluk husi Rejiaun Administrativa Espesial Oe-Cussi Ambeno (RAEOA), premiu osan $ 700.00 manan na’in daruak hetan osan $ 450.00, datoluk $ 350.00.
Kompetisaun kurrida kuda ho klase C, manan na’in dahuluk husi indonésia Hosana Dewa hetan prémiu no mos osan $ 700.00, daruak husi Timor-Leste ho osan $ 450.00 no ba datoluk husi Timor-Leste $ 350.00.
Ba kompetisaun kurrida kuda klase D, kuda manan na’in ba dahuluk husi indonésia hodi simu prémiu no osan $ 700.00 ba daruak husi Timor-Leste $ 450.00 no datoluk husi Timor-Leste osan $ 350.00
Jornalista : Chay Risky