Loluwari Média (Covalima) – Prezidente Repúblika (PR), José Ramos-Horta, hala’o Vizita ba Eskola Sekundariu Geral Publiku Saran Koten hodi halo dialogu ho estudante sira atu estuda didiak no aprende lingua Ingles, Portugues no mos Lingua sira seluk.
“Ha’u husu ba estudante sira, imi nia moris ba oin sei responsabilidade bo’ot husi inan- aman no mos husi governu no estadu tanba ne’e mak estuda, Estuda, estuda didiak estuda dader lokraik no kalan.” Dehan Prezidente Repúblika (PR), José Ramos Horta ba estudante sira iha Eskola Sekundariu Geral Publiku, Saran Koten, Covalima Villa, Sexta (28/03).
PR mos husu manorin na’in sira atu hanorin estudante sira ho diak atu nune’e sira sai matenek hodi prepara sira ba futuru.
“Ha’u husu ba manorin na’in no estudante sira hotu atu hadia ambiente ne’ebé diak no favoravel atu nune’e estudante sira bele aprende ho diak labele hetan violénsia husi ,manorin nain sira tanba estudante sira hetan violénsia mak halo estudante sira trauma no la fokus estuda.”
“Bainhira estudante sira hetan violénsia mak sira trauma no tauk atu aprende no estuda, nune’e Manorin na’in sira tenke eduka estudante sira ho diak, tanba sira mak futuru nasaun.”
“Ita nia oan ou ita nia estudante sira mak futuru nasaun nian. Tanba ne’e mak hanorin no haruka inan-aman dudu oan sira ba eskola Tékniku Profisional no aprende lingua Ingles no Portugues inklui lian Mandarin, tanba aban atu ba servisu iha rai liur ema ne’ebé tenke iha skill no mos hatene lingua tanba iha munisípiu Covalima iha postu administrativu 7 tanba ne’e estudante sira tenke estuda didiak para aban bainrua dezenvolve maske aban bainrua imi hasoru dezafiu barak.”
Adjunta Diretór Eskola Sekundáriu Jeràl Públiku, Seran Kotek (ESJP), Ana Doutel Sarmento Vong, relata hatete, estudante desimu ano hamutuk 558 desimu primeru ano estudante hamutuk 497 no Estudante desimu segundu ano hamutuk 710 total estudante eskola Sekundáriu Jeràl Públiku, Seran Kotek hamutuk 1961 ne’ebé kompostu husi mane hamutuk 809 no feto hamutuk 956.
“Ami nia eskola estudante barak nune’e ami fahe aula iha parte dader no méudia tanba ami nia sala de aula la sufisiente iha parte dader iha programa siensia téknolojia no programa siensia humanidade hamutuk sala 22 parte loraik nian no total aula desimu primeru ano no desimu segundu ano hamutuk aula 40 tanba ne’e mak ami presiza tan aula 18 nomos ami presiza Eskritóriu tanba laiha fatin propriu ba professores sira inklui laboratoriu pratika ba estudante sira.”
“Eskola ida ne’e iha professores hamutuk 59 kompostu husi mane na’in 41 no feto hamutuk 28 tanba professores Publiku la sufisiente hodi hala’o prosesu ensinu aprendisazen no mos iha Professores ne’ebé selu husi inan- aman rasik hamutuk 16 kompostu husi mane na’in 9 feto na’in 7 ho total professores hamutuk 75 kompostu husi mane 50 no feto 25.
Jornalista : Chay Risky