Loluwari Média (Díli) – Prezidente Repúblika (PR), José Ramos-Horta, kondekora Medalla Méritu no atribui Sertifikadu Elojiu ba atleta no treinador Timoroan sira ne’ebé partisipa iha Jogu Sudeste Aziátiku (SEA Games). Kondekorasaun ne’e fo sai liuhusi dekretu lei ne’ebé asina husi Prezidente Republika Ramos-Horta iha 8 Abril 2025.
Hodi Prezidente Ramos-Horta nia naran, Xefe Gabinete Prezidénsia Repúblika Timor-Leste, Jesuína Maria Ferreira Gomes, aprezenta ofisialmente hodi kondekora ba atleta sira iha Palásiu Prezidensiál Nicolau Lobato. No mos ba Resipiente sira inklui reprezentante na’in 5 husi Konfederasaun Desportu Nasionál Timor-Leste (CDTL), atleta hamutuk 32 ne’ebé kompete iha Bokse, Shorinji Kempo, Karate-do, Taekwondo, no treinador 15 ne’ebé orienta atleta sira ne’e ba susesu.
Medalla Méritu ne’e rekuñese realizasaun exelente husi atleta Timor oan sira ne’ebé reprezenta Timor-Leste iha kompetisaun desportu internasionál no lori rezultadu esepsionál ba nasaun.Reprezentante sira tuir mai husi Konfederasaun Desportu Timor-Leste (CDTL) simu Medalla Méritu mak :
Macário Floriano Sanches, Reprezentante husi Konfederasaun Desportu Timor-Leste, Miguel Marques Gonçalves Manetelu, Reprezentante husi Modalidade Shorinji Kempo, João José Fernandes, Reprezentante husi Modalidade Bokse, Filomeno Soares de Araújo, Reprezentante husi Modalidade Karate-do Gabriel J. M. F. de Jesus da Costa, Reprezentante husi Modalidade Taekwondo, Atleta na’in neen ho Medalla Osan Mean husi modalidade Shorinji Kempo ne’ebé simu Medalla Méritu mak.
António Manuel Brígida Nívia M.L. Savio Julianto Pereira, Silviana de Jesus Carvalho, Dorceyana Borges, Lola Caldas da Silva da Costa inklui atleta na’in ruanulu resin neen no treinador sanulu resin lima simu Sertifikadu Elojia ba sira nia kontribuisaun no realizasaun exelente.
Diskursu prezidente republika, ne’ebé hato’o husi Xefe Gabinete, Prezidente Ramos-Horta hatete, Desportu hodi hametin no hamutuk liuhusi diferensia no inspira juventude sira atu mehi no aten brani atu hari’i Timor-Leste ida ne’ebé realizasaun atlétika hametin unidade nasionál no páz iha Timor-Leste.
“Ita nia atleta sira nu’udar embaxadór Timor-Leste nian iha palku globál. Medalla Méritu sira ne’e la’ós de’it onra exelénsia atlétika, maibé ita bo’ot sira nia personifikasaun ba ita nia espíritu nasionál. Liuhusi imi nia dedikasaun no dignidade iha kompetisaun, imi hatudu ba mundu se mak ita nu’udar povu ida.” Dehan Xefe Gabinete Jesuína Maria Ferreira Gomes, ba atleta sira, iha Palásiu Prezidensiál Nicolau Lobato, Bairro-Pité, Díli, tersa (15/04).
Nia hatete, Serimónia ne’e reprezenta nasaun nia agradese ba atleta sira liuhusi sira nia dedikasaun, dixiplina, no realizasaun, sira hasa’e ass ona bandeira Timor-Leste no hatudu espíritu indomável povu Timor-Leste nian, Sira nia susesu reflete nasaun nia forsa no determinasaun ne’ebé buras ba beibeik iha palku mundiál, sai nu’udar inspirasaun ba sidadaun Timor oan hotu bainhira nasaun ne’e kontinua hari’i nia demokrasia ba joven sira.
Vise Prezidente Federasaun Kempo Timor-Leste, Francisco Amaral da Silva, hatete, Kempo hahu nia Desportu iha 2007 hodi hetan Medalla osan mean tu’ir exebisaun iha Thailand no iha 2012 hetan tan Medalla osan mean iha Asean Games.
“Iha momentu ne’ebé ita nia atleta ne’ebé partisipa iha eventu nasional no rejional ami prontu tanba ami prepara hela atleta sira atu hala’o kompetisaun iha internasionál ne’ebé sei realiza iha fulan agustu 2025 ho nivel taught Haiti tanba ne’e mak ami halo ona preparasaun.”
Jornalista : Chay Risky