Loluwari Média (Díli) – Diretór Ezekutivu, Ceo Revolta Club Boxing, Sandro Almeida Serano, hatete, informa, CEO Revolta sei realiza eventu boxe iha Timor-Leste ne’ebé tuir planu atleta boxe husi Indonesia no Filipina sei partisipa iha eventu ne’e.
“Eventu ne’e ami sei lori Atleta husi Nasaun Indonésia atu ho kompete atleta Timor-Leste, tanba ne’e ami nia preokupasaun foin atinje 50 pursentu tanba ita nia tempu sei do’ok hein fulan tolu hafoin eventu ne’e la’o.” Dehan Diretór Ezekutivu, CEO Revolta Club Boxing, Sandro Almeida Serano, ba jornalista sira, iha Palásiu Prezidensiál Nicolau Lobato, Bairro-Pité Díli, Kuarta (16/04).
Nia explika eventu ne’e sei realiza iha agostu no suporta husi Federasaun Boxing tanba sira mak hatene liu lala’ok Boxing.
“Ami sei hala’o eventu 2 mak Amatir no tanba agora daudaun ita nia Boxista barak mak sei tu’ir kompetisaun iha Asean Games no agora regras Boxing tu’ir Amatir Profisionál.”
Tu’ir planu CEO Revolta Clubu sei servisu hamutuk ho Federasaun Boxing atu realiza eventu Boxing.
“Ami iha Esponsor no kompaña no mos Média patner inklui ema individu sira atu suporta no apoiu orsamentu mai ami hodi hala’o eventu Boxing ne’e, tanba ami hala’o eventu ne’e atu fo opurtunidade ba ita nia Boxista sira nune’e sira bele hatudu sira nia talentu Boxing.”
Nia argumenta, ema hotu hatene katak Boxista Timor oan hakarak atu halo kompetisaun sira tenke ba rai liur no balu laiha finanseiru ikus mai Boxista sira labele partisipa iha rai liur.
“Tanba ne’e ami hakarak atu halo kompetisaun iha ita nia rai hodi konvida Boxista sira husi rai li’ur atu mai halo kompetisaun iha ita nia rai hodi fo opurtunidade ba maluk Timor oan sira atu bele partisipa hodi haree direita. Tanba ne’e ami sei ko’alia ho governu liliu Ministru Juventude Desportu Arte no Kultura (MJDAK) atu nune’e ami bele utiliza GMT hodi hala’o eventu ne’e.”
“Atleta Boxing husi Indonésia iha onra prepara maximu atu partisipa kompetisaun ne’e no mos iha atleta seluk mak husi Filipina promotor Maneger terbaik Many Pacquiao nian ne’ebé atleta husi Timor-Leste mos iha ona preparasaun atu hasoru sira.”
Iha eventu ne’e ami loke ba publiku tanba ne’e mak Clubu Boxista ne’ebé iha Timor laran tomak bele partisipa maibé mos ami iha regulamentu mak Clubu Boxing iha Timor-Leste tenke rejista iha Federasaun Boxing nian hafoin ami bele autoriza nia Atleta bele tu’ir kompetisaun.”
Jornalista : Chay Risky