Loluwari Média (Dili) – Missa Funebre ba Sua Santidade Papa Francisco nia mate sei hala’o iha Sabadu 26 Abríl 2025, tuku 6 lokraik missa solene ne’e iha altar alto santo Tasi Tolu 2024 Papa Francisco.
Vigario Episcopal Pastoral Arquidiocese Dili, Padre, Juvito Rego de Jesus Araújo, ne’ebé hamutuk ho Ministru Administrasaun Estatal (MAE), Tomas Cabral, afirma ba públiku kona-ba selebrasaun misa Funebre Sua Santidade Papa Francisco nian sei hala’o iha Sabadu 26 Abríl 2025, iha tuku 6 lokrakraik iha tasi tolu, iha fatin ne’e husu deskulpa ba sarani hotu tanba antes ne’e públika ona misa iha domingu maibé tu’ir informasaun husi Vatikanu Roma ba Funebre Papa Francisco iha sabadu 26 Abríl 2025 no tuku 10 oras Roma.
“Hakarak komunika ba públiku katak misa Funebre ba amu Papa Francisco nian sei hala’o iha Sabadu 26 Abríl lokraik tuku 6 (neen) iha tasi tolu, husu deskulpa tanba antes ne’e komunika tiha ba públiku hatene katak misa sei hala’o iha domingu, maibé bainhira simu komunikadu ofisiál husi Vatikanu katak Amu Papa nia misa Funebre iha Vatikanu sei hala’o iha tuku 10 (sanulu) dadersan dia 26 (vinte seis) iha Roma.”
“Ohin mai hamutuk ho Ministru hakarak hatudu nafatin ba públiku katak bainhira Amu Papa fila mai vizita ita nia rai, governu ho Igreja servisu hamutuk atu simu ne’ebé foin mak fulan hirak liu ba Amu Papa maromak bolu hikas ona ba ninia kadunan rohan la’ek, ne’ebé governu ho Igreja dala ida tan servisu hamutuk atu halo eventu ida ne’e la’o ho didiak sai eventu ida ne’ebé manifesta nafatin povu Timor sarani Timor Igreja iha Timor ninia domin ba Amu Papa Francisco” dehan Padre. Juvito Rego de Jesus Araújo iha Arquidiocese Dili, Largo Lecidere, Kuarta (23/04).
Ministru Administrasaun Estatal (MAE), Tomas Cabral, afirma governu servisu hamutuk ho Igreja hodi apoiu Igreja Katólika nune’e hala’o serimonia misa Funebre Papa Francisco nian ne’ebé hala’o iha tasi tolu no tu’ir protokolu husi governu nian nune’e sarani sira bele partisipa misa ho di’ak.
“Governu servisu hamutuk ho Igreja apoiu Igreja Katólika atu ita hala’o tiha serimonia ida ne’e iha tasi tolu ohin ita rona amu dehan lala’ok sira hanesan ohin ita dehan ita selebra iha tasi tolu iha ne’ebá polísia mak sei organiza atu sarani sira bele tama iha ne’ebá oinsá transporte sira tanba ita hatene se ita la organiza transporte para arbiru de’it la fo asesu ba populasaun atu hola parte iha ne’ebá”.
Entretantu iha nain feto nafatin halo misa no halo orasaun ba Papa Francisco nia mate to’o nia Funebre iha loron Sabadu 26 Abríl 2025, tuku 6 lokraik.
Husu ba sarani sira hodi uza atributu Papa Francisco nian hanesan faru, sapeu no seluk tan ne’ebé iha tinan kotuk atribui ba sarani sira hodi uza tu’ir misa ba Funebre Papa Francisco ne’e.
Jornalista : Anis