Loluwari Média (Dili) – kompetisaun futeból salaun Futsal makalero 2025 iha faze grupu ekipa Irama hetan rezultadu negativu iha jogu daruak hasoru nia adversariu Cainlio, iha kampu futsal polisia militar Quintal Bo’ot, segunda (25/08) ho rezultadu 4-1.
Inisiu jogu primeira parte ekipa rua ne’ebé mai ho misaun atu rekolla pontu atu kontinua faze tuir mai, ekipa Irama ne’ebé lideradu husi kapitaun Denus hala’o jogu all out atu rekolla pontu tolu nune’e hakat ba faze tuir mai.
Jogu ne’ebé ekipa rua hala’o fo animasaun ba adeptus sira ne’ebé mai asiste direita iha kampu futsal polisia militar Quintal Bo’ot husi parte Lorosa’e ho kontente fo sira nia apoiu maximu ba ekipa Irama atu rekolla pontu tolu nuene’e bele hakat ba faze segundu.
Jogu kontinua la’o ekipa rua halo kontra atake ba malu maske nune’e ekipa Irama FC domina jogu atu nune’e oferese rezultadu pozitivu ba ekipa iha kompetisaun makalero Cup 2025. Ekipa rua kontinua halo jogu ne’ebé atrativu maske akontese desentendementu entre jogador husi ekipa advesariu ne’ebé koko provoka nune’e domina jogu no rezulta golu.
Jogu ne’ebé ho durasaun 25 minutus ne’e anima tebes jogu foin lao de’it minutu lima ekipa Irama FC konsege lidera liuhusi jogador Aurelio Cardoso ho naran estimadu Ameta ho numeru kamizola 17 lori ekipa Irama FC lidera jogu 1-0. Maske nune’e ekipa adversariu kontinua halo kontra atake hasoru Irama FC atu halo impata rezultadu opurtunidade atu halo impata jogu ne’e ekipa adversariu tenta halo sutu maibé jogador ekipa Irama FC halo kontra atake ne’ebé diak nune’e ekipa adversariu Cainlio FC la konsege fura guarda rede Irama FC.
Ekipa adversariu Cainlio FC konsegehalo balansu jogu no halo kontra atake ba liña defensivu nune’e guarda rede Irama FC, Marito Mota, fallansu iha nia area nune’e arbitru fo suta falta ba ekipa Cainlio FC no konsege halo impata jogu 1-1. Golu ne’e halo tensi jogu aumenta no liu deit minutu ida Cainliu konsege lidera jogu 2-1 iha primera parte.
Kontinuasaun segunda parte ekipa adversariu Cainlio konsege aumenta tan golu 2, rezultadu jogu 4-1, ho rezultadu ne’e lori ekipa Cainlio FC lidera iha tabele klasifikasaun iha faze grupu ho pontu 6 husi jogu 2 enkuantu ekipa Irama FC okupa posizaun datoluk ho pontu 1 husi jogu 2.
Ekipa Loluwari