Loluwari Média (Díli) – Ministériu Juventude Desportu Arte no Kultura (MJDAC) liu-hosi Sekretáriu Estadu Arte no Kultura (SEAK) hala’o Reuniaun ho Komunidade paíz da língua portuguesa hodi diskute Portugésa ho Tema “Salva Guarda ba Heransa Kultural hodi promove ba Identidade Sidadaun CPLP”.
Pontu Fokal Komunidade Hamutuk ko’alia lian Portugésa (CPLP), Manuel Smith, Hatete, Ohin reuñaun Komunidade Hamutuk ko’alia Lian Portuguesa (CPLP) ba dala 14 iha Timor-Leste ne’e atu halo preparasaun ba pontu fokal hodi fasilita Dokumentus mai Timor-Leste nia preparasaun ba 2027.
“Ami nia diskusaun ba planu prioridade Timor-Leste nian ba asaun anual ba 2026 ate 2027 nian ita iha planu prioridade 3 ne’ebé ita sei implementa mak Ekonómia kreativa, patrimóniu kultural no Imaterial halo identifika maun ba patrimóniu kultural no kapasitasaun ba rekursu nia faktor importante ba Timor-Leste atu aplika iha 2027.”
Reuñiaun ba pontu fokal ne’e hala’o iha 16 April no iha 26 april no ohin reuniaun ne’e partisipa husi Nasaun CPLP mak Angola, São Tome Prínsipe, Mozambique, Portugál no Brazil no nasaun tolu ne’ebé la marka prezensa mak Cabo Verde, Guine Eqautorial no Guine Bissau nasaun 3 ne’e sei halo Eleisaun hela iha sira nia rain.
Diretor Geral no Sekretáriu Ezekutivu (CPLP), Miguel Souza Monteiro, Kongratula ba Reuñiaun Ministériu Arte no Kultura nian ba dala 14 ba kondisaun ospitalidade sira ba ambiente servisu ezemplár ne’ebé kria.
“Ha’u husu ba kolega sira ne’ebé foin mai, no ha’u fiar katak sira mós sei iha kondisaun ne’ebé hanesan. Ha’u hatete katak ida-ne’e oferese espesiál ba koordenadór enkontru nian, ne’ebé lokaliza iha uma kultura ho nia ekipa.”
Ho dedikasaun no espíritu boot hatama prosesu sira iha sistema laran, maske iha esforsu adisionál ne’ebé ezije husi diferensa zona oráriu ne’ebé iha.
“Aleinde komplementa pontu hotu-hotu ne’ebé hato’o iha ne’e, ha’u prezente no membru sira akompaña online. Nune’e mós kumprimenta sira ba servisu ne’ebé dezenvolve ona iha preparasaun reuniaun ministeriál.”
Nune’e servisu reuniaun ne’e bele la’o ho di’ak. hodi kontribui ba esforsu kooperasaun multilaterál iha setór kulturál, no mós hodi repete disponibilidade aliadu ezekutivu CPLP nian hodi kontinua fó apoiu ba prezidénsia no Estadu-membru sira seluk hodi promove ajenda multilaterál iha setór ne’e. ita konklui prosesu unidade nian no agradese dala ida tan ba kondisaun hotu-hotu ne’ebé kria ona. hotu-hotu tenke sente agradese tebes.
Jornalista : Cesar Pires
Editor : Herminio Cardoso