Loluwari Média (Díli) – Prezidente Repúblika, José Ramos-Horta, fó orientasaun ba Diretór Ezekutivu Permatil, Ego Lemos, atu koordena preparasaun Pre-COP 31 ne’ebé planu sei hala’o entre PZ no Vanuatu iha tinan ne’e, inklui prepara delegasaun ki’ik husi Timor-Leste hamutuk ho Embaixadór Adão Barbosa.
Diretór Ezekutivu Permatil, Ego Lemos, aprezenta ba Prezidente Repúblika, José Ramos-Horta, planu International Permaculture Youth Convergence 2025 hodi husu Xefe Estadu assina sertifikadu ba partisipante internasionál husi nasaun oioin inklui Timor-Leste, durante sorumutu koordenasaun Pre-COP 31.
“Ami mós konvida Prezidente atu loke abertura akampamentu ne’ebé bolu Marabia Permaculture Youth Camp, ne’ebé sei hala’o husi loron 9 to’o 12 Juñu, iha fatin istóriku Masakre 10 Juñu. Sei selebra hamutuk ho komisaun sira, ida ne’e mak ami hein katak Prezidente bele marka prezensa iha ne’ebá hodi loke akampamentu ne’e,” dehan Diretór Ezekutivu Permatil, Ego Lemos ba Jornalista sira iha Palasiu Prezidensial Nicolau Lobato, Bairro-Pité, Dili Sexta (08/05).
“Ami mós husu Prezidente nia tempu atu partisipa loke akampamentu Viqueque Permaculture Youth Camp ne’ebé sei hala’o husi 1-5 Setembru 2026,” Ego Lemos hatutan.
Ego lemos informa ba Prezidente kona-ba preparasaun ba Simpóziu Internasionál-Water Peace and Diplomacy ne’ebé sei hala’o iha Palásiu Prezidensiál iha Outubru. Sei konvida-UN Special Envoy on Water atu mai partisipa, Prezidente rasik sei hasai konvite husi Palásiu ne’ebé Prezidente asina ona hodi haruka ba-UN Special Envoy on Water.
“Ami mós informa progresu husi atividade konservasaun bee ne’ebé kobre territóriu tomak iha progresu di’ak iha Ataúro, Oé-Cusse no fatin seluk tan ne’ebé konsege hamoris fali bee-matan kuaze 800 resin. Ho rezultadu ne’e, Timor-Leste bele sai nu’udar modelu di’ak ne’ebé bele aplika iha fatin oioin iha mundu,” Ego Lemos esplika.
Ego Hatutan, Tan ne’e mak diplomásia hahú tinan ida ne’e ami hahú implementa atividade iha Samoa no Papua Nova Guiné, Tan ne’e mak atividade diplomásia sei espande ba internasionál liu husi diplomásia global. Permatil Timor-Leste sei kontinua halo atividade iha ne’e. Maibé Permatil global sei implementa atividade konservasaun bee hamutuk ho nasaun sira Pasífiku hahú husi Papua Nova Guiné ho Samoa. Ida ne’e mak ha’u informa ba Prezidente Repúblika,”
Ego Lemos esplika Pre-COP nu’udar preparasaun de’it ba COP rasik. “Prezidente informa katak Primeiru-Ministru mak sei lidera delegasaun Timor-Leste hamutuk ho Embaixadór Mudansa Klimátika, Adão Barbosa,” nia dehan.
Nia hatutan, Permatil sei halo koordenasaun intensivu ho Palásiu Prezidensiál hodi ajusta ho Prezidente Repúblika José Ramos-Horta nia tempu.
“Xefe Estadu husu ami atu halo koordenasaun kona-ba preparasaun Pre-COP 31 ne’ebé planu sei hala’o entre PZ no Banuatu iha tinan ne’e. Ami mós sei koordena ho Embaixadór Adão Barbosa hodi haree posibilidade hetan delegasaun ki’ik ida husi Timor-Leste ba Pre-COP,” Ego Lemos informa.
Aleinde ne’e, nia mós aprezenta ba Prezidente Repúblika kona-ba International Permaculture Youth Convergence ne’ebé Permatil organiza iha 2025. “Ami husu Prezidente atu asina sertifikadu ne’ebé sei fó ba partisipante internasionál sira husi nasaun oioin inklui Timor-Leste.
“Ami mós informa ba Prezidente kona-ba preparasaun ba Simpóziu Internasionál Water, Peace and Diplomacy ne’ebé sei hala’o iha Palásiu Prezidensiál iha Outubru. Sei konvida UN Special Envoy on Water atu mai partisipa. Prezidente rasik sei hasai konvite husi Palásiu ne’ebé Prezidente asina ona hodi haruka ba UN Special Envoy on Water,” Nia dehan.
“Ami mós informa progresu husi atividade konservasaun bee ne’ebé kobre territóriu tomak. Iha progresu di’ak iha Ataúro, Oé-Cusse no fatin seluk tan ne’ebé konsege hamoris fali bee-matan kuaze 800 resin. Ho rezultadu ne’e, Timor-Leste bele sai nu’udar modelu di’ak ne’ebé bele aplika iha fatin oioin iha mundu,” Ego Lemos esplika.
“Tan ne’e mak diplomásia hahú tinan ida ne’e. Ami hahú implementa atividade iha nasaun Samoa no Papua Nova Guiné. Tan ne’e mak atividade diplomásia sei espande ba internasionál liu husi diplomásia global. Permatil Timor-Leste sei kontinua halo atividade iha ne’e, maibé Permatil global sei implementa atividade konservasaun bee hamutuk ho nasaun sira Pasífiku hahú husi Papua Nova Guiné ho Samoa. Ida ne’e mak ha’u informa ba Prezidente Repúblika,” Ego Lemos hateten.
“Pre-COP ne’e hanesan preparasaun de’it ba COP rasik. Prezidente informa Primeiru-Ministru mak sei lidera hamutuk ho Embaixadór Mudansa Klimátika, Adão Barbosa. Ami sei halo koordenasaun ho Palásiu Prezidensiál hodi bele haree Prezidente nia tempu,” Nia hakotu.
Jornalista Estaziada : Ivonia dos Santos
Editor : Hermino Cardoso